30ఏళ్లు దాటిన మహిళలు తాము తీసుకునే ఆహారం విషయంలో చాలా జాగ్రత్తగా ఉండాలట. అంత ముందు తిన్నట్లు ఏది పడితే అది తినకూడదు. మరి, ఎలాంటి ఫుడ్స్ ని దూరం పెట్టాలో ఇప్పుడు తెలుసుకుందాం...
ప్రతి ఇంట్లో మహిళలు.. తమ కుటుంబ సభ్యుల గురించే ఆలోచిస్తారు. తమ భర్త, పిల్లల కోసం వారు అడగక ముందే అన్నీ చేసి పెడుతూ ఉంటారు. వారికి నచ్చిన ఆహారాలు చేసి అందిస్తూ ఉంటారు. కానీ.. తమ హెల్త్ గురించి పెద్దగా పట్టించుకోరు. ఆ టైమ్ కి ఏది ఉంటే అది తినేస్తారు. తమ కోరికలు, ఇష్టాలు, ఆరోగ్యాన్ని నిర్లక్ష్యం చేసేస్తారు. కానీ 30 దాటిన తర్వాత ఇలా చేస్తూపోతే.. ఆరోగ్య సమస్యలు వచ్చే అవకాశం ఎక్కువగా ఉంటుంది.పురుషుల్లోనూ 30 తర్వాత సమస్యలు వస్తాయి. కానీ.. స్త్రీలలో ప్రభావం మరింత ఎక్కువగా ఉంటుంది. అందుకే.. తీసుకునే ఆహారం విషయంలో జాగ్రత్తగా ఉండాలి. మరి, ఎలాంటి ఫుడ్స్ కి దూరంగా ఉండాలో ఓసారి చూద్దాం...
30ఏళ్ల తర్వాత మహిళల్లో చాలా ఆరోగ్య సమస్యలు రావడం మొదలౌతాయి. ముఖ్యంగా షుగర్, రక్తహీనత, థైరాయిడ్, గుండె జబ్బులు, క్యాన్సర్ వంటి సమస్యలు వచ్చే అవకాశాలు ఎక్కువగా ఉంటాయి. చెడు లైఫ్ స్టైల్, ఆహారపు అలవాట్ల కారణంగా చర్మంపై ముడతలు రావడం మొదలౌౌతాయి. ఒక్కసారి వయసు మళ్లినట్లు కనిపించడం మొదలుపెడితే దానిని సరి చేయడం కష్టం. దానిని కంట్రోల్ ల ో పెట్టాలంటే.. కచ్చితంగా ఆహారం విషయంలో జాగ్రత్తగా ఉండాలి. ముప్పై ఏళ్ళు దాటిన ఆడవాళ్ళు ఆరోగ్యంగా ఉండాలంటే కొన్ని ఆహారాలు తినడం మానేయాలి. అవేంటో ఇప్పుడు చూద్దాం.
30 ఏళ్ళ తర్వాత ఆడవాళ్ళు తినకూడని ఆహారాలు:
స్వీట్లు:
ఎక్కువ స్వీట్లు తినడం మంచిది కాదు. ఏ వయసులోనూ కాదు. ముఖ్యంగా 30 ఏళ్ళ తర్వాత ఆడవాళ్ళు స్వీట్లు తినడం మానేయడం మంచిది. ఈ వయసు తర్వాత శరీరంలో జీవక్రియలు నెమ్మదిస్తాయి. దీనివల్ల బరువు పెరగడం, షుగర్, గుండె జబ్బుల ముప్పు పెరుగుతుంది. ఈ వయసులో ఎక్కువ స్వీట్లు తింటే మొహం మీద మొటిమలు, ముడతలు, బరువు పెరగడం వంటి సమస్యలు వస్తాయి.
ఉప్పు:
వయసు పెరిగే కొద్దీ ఉప్పు తినడం తగ్గించుకోవాలి. ముఖ్యంగా 30 ఏళ్ళ తర్వాత ఉప్పు తినడం మానేయాలి. వీలైనంత తక్కువగా తినాలి. ఈ వయసులో ఎక్కువ ఉప్పు తింటే బీపీ పెరుగుతుంది. గుండె, కిడ్నీ సమస్యలు వస్తాయి. థైరాయిడ్ సమస్య కూడా వస్తుంది.
కాఫీ:
30 ఏళ్ళ తర్వాత ఆడవాళ్ళు ఎక్కువ కాఫీ తాగకూడదు. ఎక్కువ కాఫీ తాగితే హార్మోన్ల సమతుల్యత దెబ్బతింటుంది. దీనివల్ల డిప్రెషన్, ఆందోళన, బీపీ వంటి సమస్యలు వస్తాయి. చర్మం మీద కూడా చెడు ప్రభావం చూపుతుంది. ముసలితనం త్వరగా వస్తుంది. చిన్న వయసులోనే ముడతలు వస్తాయి.
వేపుళ్ళు:
30 ఏళ్ళ తర్వాత ఆడవాళ్ళు వేపుళ్ళు తినడం మానేయాలి. ఈ వయసులో ఎక్కువ వేపుళ్ళు తింటే శరీరంలో ట్రాన్స్ ఫ్యాట్ పెరిగి, ఆరోగ్యం దెబ్బతింటుంది. గుండె జబ్బులు వచ్చే ప్రమాదం ఉంది. చర్మ సమస్యలు కూడా వస్తాయి. వీటి బదులు ఇంట్లో తక్కువ నూనెలో వండిన ఆహారం తినండి.
ప్రాసెస్ చేసిన ఆహారాలు:
30 ఏళ్ళ తర్వాత ఆడవాళ్ళు తెల్ల బ్రెడ్, పాస్తా వంటి ప్రాసెస్ చేసిన ఆహారాలు తినడం మానేయాలి. ఈ వయసులో ఇవి తింటే రక్తంలో చక్కెర స్థాయిలు వేగంగా పెరుగుతాయి. అనేక వ్యాధులకు దారితీస్తుంది. జీవక్రియలు కూడా నెమ్మదిస్తాయి. వీటి ప్రభావం చర్మం మీద కనిపిస్తుంది.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి