రాజకీయ కక్ష సాధింపులకు పరిణితి చెందిన నాయకుడు బలి: కోడెల మృతిపై రేవంత్ రెడ్డి

సమాజంలో ఇలాంటి పెడధోరణి క్షేమం కాదని వ్యాఖ్క్ష్యానించారు. కోడెల శివప్రసాద్ మరణం తనని కలచివేసిందని ఆవేదన వ్యక్తం చేశారు. శివప్రసాదరావు కుటుంబానికి తన ప్రగాఢ సానుభూతి వ్యక్తం చేశారు రేవంత్ రెడ్డి.

హైదరాబాద్: మాజీ శాసన స్పీకర్ కోడెల శివప్రసాదరావు మరణంపై తెలంగాణ కాంగ్రెస్ పార్టీ నేత, మల్కాజ్ గిరి ఎంపీ రేవంత్ రెడ్డి ఆవేదన వ్యక్తం చేశారు. ప్రజాసేవలో పరిణితి చెందిన నాయకుడు రాజకీయ కక్ష సాధింపులకు బలయ్యారంటూ ఆరోపించారు. 

ఇది చాలా దారుణమని అభిప్రాయపడ్డారు. సమాజంలో ఇలాంటి పెడధోరణి క్షేమం కాదని వ్యాఖ్క్ష్యానించారు. కోడెల శివప్రసాద్ మరణం తనని కలచివేసిందని ఆవేదన వ్యక్తం చేశారు. శివప్రసాదరావు కుటుంబానికి తన ప్రగాఢ సానుభూతి వ్యక్తం చేశారు రేవంత్ రెడ్డి.

ఇకపోతే మాజీ శాసన సభాపతి కోడెల శివప్రసాదరావు సోమవారం ఉదయం హైదరాబాద్ లోని తన నివాసంలో అనుమానాస్పదంగా మృతి చెందారు. ఉరివేసుకుని ఆత్మహత్య చేసుకున్నారా లేక గుండెపోటుతో మరణించారా అన్న అంశంపై పోలీసులు ఆరా తీస్తున్నారు. అయితే ప్రస్తుతానికి అనుమానాస్పదంగా కేసుగా నమోదు చేశారు. 

ఈ వార్తలు కూడా చదవండి