కాంగ్రెస్, టీఆర్ఎస్‌లకు షాక్: హుజూర్‌నగర్ బరిలో 30 మంది లాయర్లు

హుజూర్‌నగర్ ఉప ఎన్నికల్లో ఎలాగైనా గెలవాలని వ్యూహ ప్రతివ్యూహాలు రచిస్తోన్న అధికార, ప్రతిపక్షాలకు న్యాయవాదులు షాకిచ్చారు. క్రిమినల్ సివిల్ కేసులను ప్రభుత్వం కోదాడకు బదిలీ చేయడంపై లాయర్లు తీవ్రస్థాయిలో మండిపడుతున్నారు.

ఈ క్రమంలో వారు నిజామాబాద్ రైతులు అనుసరించిన వ్యూహాన్ని ఫాలో అవుతున్నారు. ప్రభుత్వ నిర్ణయానికి నిరసనగా హుజూర్‌నగర్ ఉపఎన్నికల్లో పోటీ చేయాలని 30 మంది న్యాయవాదులు నిర్ణయించారు. దీనిలో భాగంగా గురువారం వీరంతా నామినేషన్లు వేయనున్నారు.

మరోవైపు సర్వేలో టీఆర్ఎస్‌వైపు 55 శాతం మంది, కాంగ్రెస్ వైపు 41 శాతం నిలిచారని బీజేపీ సుదూరంలో ఉందని కేటీఆర్ తెలిపారు.

హుజుర్‌నగర్‌లో టీఆర్ఎస్ గెలుపు ఖాయమని.. మెజార్టీ ఎంతనేది ఫలితాల రోజున చెబుతానని మంత్రి స్పష్టం చేశారు. ఉప ఎన్నికల్లో కాంగ్రెస్ గెలిస్తే ఉత్తమ్ కుమార్ రెడ్డికి మాత్రమే లాభమని.. టీఆర్ఎస్ గెలిస్తే హుజుర్‌నగర్‌కి లాభమన్నారు కేటీఆర్.

కాగా హుజుర్‌నగర్ ఉపఎన్నికల్లో కాంగ్రెస్ తరపున ఉత్తమ్ కుమార్ రెడ్డి సతీమణి పద్మావతి రెడ్డి... టీఆర్ఎస్ తరపున సైదిరెడ్డి, బీజేపీ నుంచి శ్రీకళారెడ్డి బరిలో నిలిచారు. 

సంబంధిత వార్తలు