కోహ్లీ కెప్టెన్సీ, బుమ్రా యాక్షన్ ఇష్టం: ఆసీస్ క్రికెట్ దిగ్గజం

పెర్త్ టెస్ట్‌లో భారత్ దారుణ పరాజయంతో టీమిండియాపై ఆసీస్ మీడియాతో పాటు ఆ జట్టు మాజీ ఆటగాళ్లు విమర్శలు కురిపిస్తున్న సంగతి తెలిసిందే. అయితే ఆశ్చర్యకరంగా అదే ఆస్ట్రేలియాకు చెందిన దిగ్గజ క్రికెటర్ డెన్నిస్ లిల్లీ భారత కెప్టెన్ విరాట్ కోహ్లీ, బౌలర్ బుమ్రాలపై ప్రశంసల జల్లు కురిపించారు.

విరాట్ కోహ్లీ అద్బుతమైన వ్యూహాలతో జట్టును ముందుండి నడుపుతున్నాడు... అతను గొప్ప ఆటగాడు.. తాను చూసిన వాళ్లలో విరాట్ మంచి ఆటగాడు.. ప్రపంచంలోని ఎటువంటి బౌలర్‌నైనా అతడు సమర్దవంతంగా ఎదుర్కోగలడు.

కెప్టెన్‌కి దూకుడు అవసరం అని లిల్లీ కితాబిచ్చారు. ఇక బుమ్రా గురించి మాట్లాడుతూ.. ‘‘ అతడు తన బౌలింగ్‌తో కనికట్టు చేయగలడు. బుమ్రాని చూస్తుంటే నన్ను నేను చూసుకుంటున్నట్లుందని ఆయన ప్రశంసించారు.