క్రికెట్‌కు వీడ్కోలు చెప్పిన స్టార్ ఆల్‌రౌండర్ మోర్కెల్

దక్షిణాఫ్రికా స్టార్ ఆల్‌రౌండర్, ప్రపంచంలోని విధ్వంసక ఆటగాళ్లలో ఒకరైన ఆల్బీ మోర్కెల్ క్రికెట్‌కు వీడ్కోలు చెప్పాడు. క్రికెట్‌లోని అన్ని ఫార్మాట్‌ల నుంచి తప్పుకుంటున్నట్లు ఆయన ప్రకటించాడు. 20 సంవత్సరాల సుధీర్ఘ కెరీర్‌లో 1 టెస్ట్, 58 వన్డేలు, 50 టీ20లు ఆడారు. మోర్కెల్ అన్ని ఫార్మాట్లలో కలిపి 1,412 రన్స్, 77 వికెట్లు సాధించాడు.

2004లో తొలి వన్డే ఆడిన మోర్కెల్ మొత్తం 58 వన్డేలలో 782 పరుగులు, 50 వికెట్లను తన ఖాతాలో వేసుకున్నాడు. ఇక మోర్కెల్‌కు ఐపీఎల్‌లో మెరిపించిన మెరుపులు అన్నీ ఇన్నీ కావు. చెన్నై తరపున 974 పరుగులు, 85 వికెట్లను తన ఖాతాలో వేసుకుని 2011లో చెన్నై సూపర్‌కింగ్స్ టైటిల్ గెలవడంలో కీలకపాత్ర పోషించాడు. అన్ని టీ20లలో కలిపి 4,247 పరుగులు, 247 వికెట్లను తన ఖాతాలో వేసుకున్నాడు.

‘‘తనకు క్రికెట్ ఆడే వయసు అయిపోయిందని, అందుకే క్రికెట్‌కు రిటైర్‌మెంట్ ప్రకటిస్తున్నాన్నాడు. 20 సంవత్సరాల ప్రయాణంలో ఎన్నో తీపి గుర్తులు, చేదు అనుభవాలు. క్రికెట్ సౌతాఫ్రికాకి ధన్యవాదాలు, నా ప్రయాణంలో అన్ని విధాలా సహకరించిన నా భార్యకు ధన్యవాదాలు అని మోర్కెల్ ట్వీట్ చేశాడు.