అలోక్‌కి ఉద్వాసన..ఢిల్లీ పోలీసుల చేతికి సీబీఐ కేంద్ర కార్యాలయం

ప్రధాని నరేంద్రమోడీ నేతృత్వంలోని అత్యున్నత స్థాయి కమిటీ గురువారం సీబీఐ డైరెక్టర్ అలోక్ వర్మను పదవి నుంచి తప్పించింది. అవినీతి, విధుల పట్ల నిర్లక్ష్యంపై కేంద్ర విజిలెన్స్ కమిటీ నివేదిక ఆధారంగా ఈ చర్య తీసుకున్నారు.

ఈ నేపథ్యంలో ఢిల్లీలోని సీబీఐ కేంద్ర కార్యాలయం ఢిల్లీ పోలీసుల అధీనంలోకి వెళ్లిపోయింది. అక్కడ ఎలాంటి అవాంఛనీయ సంఘటనలు జరగకుండా కార్యాలయం పరిసరాల్లో భద్రతను కట్టుదిట్టం చేశారు. మరోవైపు ఎం.నాగేశ్వరరావును సీబీఐ తాత్కాలిక డైరెక్టర్‌గా బాధ్యతలు అప్పగించింది. కొత్త డైరెక్టర్‌ను నియమించే వరకు లేదా తుది ఉత్తర్వులు వెలువడే వరకు నాగేశ్వరరావు విధులు నిర్వర్తిస్తారు.