యమునా నది ఒడ్డున ఇంజనీరింగ్ విద్యార్థినిపై గ్యాంగ్‌రేప్

దేశ అత్యాచారాల రాజధాని ఉత్తరప్రదేశ్‌లో మహిళలు, చిన్నారులపై అఘాయిత్యాలు ఆగడం లేదు. తాజాగా ఆగ్రాలో ఇంజనీరింగ్ విద్యార్థినిపై నలుగురు కామాంధులు సామూహిక అత్యాచారానికి పాల్పడ్డారు. వివరాల్లోకి వెళితే..

స్థానికంగా ఉన్న ఓ ఇంజనీరింగ్ కళాశాలలో బీటెక్ ఫస్ట్ ఇయర్ చదువుతున్న విద్యార్థిని నిన్న సాయంత్రం తన స్కూటీపై కోచింగ్ సెంటర్‌కు వెళుతుండగా బైక్‌పై వచ్చిన ఇద్దరు వ్యక్తులు ఆమెతో అసభ్యంగా ప్రవర్తించారు.

అనంతరం ఆమెను అహరించుకుని వెళ్లారు. బైక్‌పై కూర్చోబెట్టుకుని ఆమెను యమునా నది ఒడ్డుకు తీసుకువెళ్లారు. అక్కడ అంతకు ముందే మాటు వేసిన మరో ఇద్దరితో కలిసి యువతిపై అత్యాచారానికి పాల్పడ్డారు. అనంతరం అక్కడి నుంచి పరారయ్యారు.

అటుగా వెళ్తున్న కొందరు వ్యక్తులు ఆమెను గమనించి క్షేమంగా ఇంటి వద్ద దించారు. తల్లిదండ్రులకు జరిగినది చెప్పి వారి సాయంతో పోలీసులకు ఫిర్యాదు చేసింది. కేసు నమోదు చేసుకున్న పోలీసులు యువతిని వైద్య పరీక్షల కోసం ఆస్పత్రికి తరిలించారు.