బీజేపీ కేంద్ర కార్యాలయానికి జైట్లీ పార్థీవదేహం, మధ్యాహ్నం అంత్యక్రియలు

బీజేపీ సీనియర్ నేత, కేంద్ర మాజీ మంత్రి అరుణ్ జైట్లీ పార్థీవ దేహాన్ని ఢిల్లీలోని భారతీయ జనతా పార్టీ కేంద్ర కార్యాలయానికి తరలించారు. ప్రజలు, కార్యకర్తలు, నేతల సందర్శనార్ధం మధ్యాహ్నం 1.30 వరకు జైట్లీ భౌతికకాయాన్ని అక్కడే ఉంచనున్నారు.

మధ్యాహ్నం అంతిమ యాత్రగా బయల్దేరి 2.30 గంటలకు యమునా నది ఒడ్డున వున్న నిగంబోధ్‌లో అంతిమ సంస్కారాలు నిర్వహించనున్నారు. గత కొంతకాలంగా క్యాన్సర్‌తో బాధపడుతున్న అరుణ్ జైట్లీ ఎయిమ్స్‌ చికిత్సపొందుతూ శనివారం తుదిశ్వాస విడిచారు.

న్యాయకోవిదుడిగా, పార్లమెంటెరీయన్‌గా జైట్లీ దేశప్రజలతో మన్ననలు అందుకున్నారు. కొద్దిరోజుల వ్యవధిలోనే సుష్మా స్వరాజ్, జైట్లీ వంటి అగ్రనేతలను కోల్పోవడంతో బీజేపీ శ్రేణులు కన్నీరుమున్నీరవుతున్నారు.