చారిత్రక తప్పిదాలను పరిష్కరించడానికి సమ్మిళిత న్యాయ వ్యవస్థ అవసరం - సీజేఐ చంద్రచూడ్

చారిత్రక తప్పిదాలను  పరిష్కరించడానికి సమ్మిళిత న్యాయ వ్యవస్థ అవసరం అని సీజేఐ చంద్రచూడ్ అన్నారు. న్యాయమూర్తులు సామాజిక వాస్తవాలను తెలుసుకోవాలని కోరారు. పౌరసమాజం, సామాజిక పరివర్తన అన్వేషణకు న్యాయస్థానాలు కేంద్ర బిందువులుగా మారాయని తెలిపారు. 

అణగారిన వర్గాల జరిగిన చారిత్రక తప్పిదాలను కొనసాగించడంలో న్యాయ వ్యవస్థ కీలక పాత్ర పోషిస్తుందని సుప్రీంకోర్టు ప్రధాన న్యాయమూర్తి జస్టిస్ డీవై చంద్రచూడ్ పేర్కొన్నారు. దానిని సరిదిద్దడానికి సమ్మిళిత న్యాయ వ్యవస్థ అవసరమని ఆయన అభిప్రాయపడ్డారు. వాషింగ్టన్ లోని జార్జ్ టౌన్ యూనివర్శిటీ లా సెంటర్, న్యూఢిల్లీలోని సొసైటీ ఫర్ డెమొక్రటిక్ రైట్స్ (ఎస్ డీఆర్) సంయుక్తంగా నిర్వహించిన 3వ కంపరేటివ్ కాంస్టిట్యూషనల్ లా డిస్కర్షన్ కు సీజేఐ హాజరై ప్రసంగించారు.

ఈ సందర్భంగా ఆయన మాట్లాడుతూ.. న్యాయమూర్తులు సామాజిక వాస్తవాలను తెలుసుకోవాలని, ఎందుకంటే చట్టం శూన్యంలో లేదని, చరిత్ర అంతటా అణగారిన సామాజిక సమూహాలు భయంకరమైన తప్పులకు గురయ్యాయని అన్నారు. అమెరికాలో మాదిరిగానే భారత్ లోని కొన్ని ప్రాంతాల్లోనూ బానిసత్వాన్ని చట్టబద్ధం చేశామని చెప్పారు. వివిధ అట్టడుగు వర్గాలకు చేసిన చారిత్రక తప్పిదాలను పరిష్కరించడానికి న్యాయమైన, సమ్మిళిత న్యాయ వ్యవస్థ అవసరమని ఆయన పిలుపునిచ్చారు.

సాంకేతిక పరిజ్ఞానంతో వేగంగా మారుతున్న సమాజాల పరిణామంపై న్యాయవ్యవస్థ స్థిరమైన ప్రభావాన్ని కలిగి ఉందని అన్నారు. అందుకే న్యాయమూర్తులు ప్రజలతో ఎన్నిక కానప్పటికీ చాలా ముఖ్యమైన పాత్ర పోషిస్తారని సీజేఐ అన్నారు. ‘‘మనం ఎన్నిక కాకపోయినా న్యాయమూర్తులది చాలా కీలక పాత్ర అని నేను నమ్ముతున్నాను. ప్రతి ఐదేళ్లకోసారి ప్రజల వద్దకు వెళ్లి ఓట్లు అడగబోం. కానీ దానికి ఒక కారణం ఉంది. ఆ కోణంలో న్యాయవ్యవస్థ, మన సమాజాల పరిణామంలో స్థిరమైన ప్రభావాన్ని చూపుతుందని నేను నమ్ముతున్నాను, ముఖ్యంగా సాంకేతిక పరిజ్ఞానంతో వేగంగా మారుతున్న మన యుగం వంటి వాటిలో’’ అని సీజేఐ అన్నారు.

న్యాయమూర్తులు కాలపు ఒడిదుడుకులకు అతీతంగా జీవించవలసిన ఒక దానికి గొంతుక అని అన్నారు. సమాజాలలో స్థిరమైన ప్రభావాన్ని అందించే సామర్థ్యాన్ని న్యాయస్థానాలు కలిగి ఉంటాయని చంద్రచూడ్ అన్నారు. మన సొంత నాగరికతలు, మన సొంత సంస్కృతుల మొత్తం స్థిరత్వంలో ముఖ్యంగా భారతదేశం వంటి బహుళ సమాజం నేపధ్యంలో మన పాత్ర ఉందని నేను నమ్ముతున్నాను’’ అని ఆయన అన్నారు.

సాంస్కృతిక, సామాజిక నేపథ్యంలో పౌరసమాజం, సామాజిక పరివర్తన అన్వేషణకు న్యాయస్థానాలు కేంద్ర బిందువులుగా మారాయని సీజేఐ చంద్రచూడ్ పేర్కొన్నారు. కాబట్టి ప్రజలు కేవలం ఫలితాల కోసం కాకుండా, రాజ్యాంగ మార్పు ప్రక్రియలో తమ గళం వినిపించాలని న్యాయస్థానాలను ఆశ్రయిస్తారని చెప్పారు. ఇది సంక్లిష్టమైన ప్రశ్న అని, ప్రజలు ఎక్కువగా కోర్టులకు రావడానికి అనేక కారణాలు ఉన్నాయని అన్నారు.