మీ నాభిని మీరు చివరి సారి ఎప్పుడు చూశారు. గుర్తులేదా? నిజానికి మనలో చాలా మంది ఆ పార్ట్ గురించే మర్చిపోతారు. అసలు నాభి ఉన్నది ఎందుకు? ఇది ఎలాంటి పనులు చేస్తుందో మనలో చాలా మందికి తెలియదు. అందుకే నాభి గురించి కొన్ని ఇంట్రెస్టింగ్ విషయాలను ఇప్పుడు తెలుసుకుందాం పదండి.
మచ్చ మాత్రమే
మీ బొడ్డు మధ్యలో ఉన్న ఆ చిన్న మచ్చ మీ బొడ్డు తాడు. ఇది మీ తల్లి మావితో అనుసంధానించిన ప్రదేశాన్ని సూచిస్తుంది. ఆ తాడును కత్తిరించినప్పుడు.. దానిలో చిన్నగా కుంగిపోయిన ముక్క మిగిలిపోతుంది. దీన్నే మనం బెల్లీ బటన్ అంటాం.
నాభి ఎలా ఉండాలనేది..
మీ నాభి ఆకారం ఎలా ఉంది. అంటే బయటకు పొడుచుకు వచ్చినట్టుందా? లేకపోతే అతుక్కుపోయినట్టు ఉందా అనేది మీ చేతుల్లో ఉండదు. ఇది మీ డాక్టర్ చేతిలో ఉంటుంది. అంటే మీరు పుట్టినప్పుడు మీ బొడ్డు తాడును ఎలా కత్తిరించారు లేదా బిగించారు అనేదానిపై ఆధారపడి ఉంటుంది.
వీటికి నాభిని గుర్తించలేం..
కుక్కలు, చింపాంజీలు, సింహాలు, అర్మాడిల్లోలకు కూడా నాభి ఉంటుంది. కానీ వాటి నాభిని గుర్తించడం అంత సులువు కాదు. చాలా క్షీరదాలు వాటి పిల్లల నాభిని గుర్తించడం కష్టతరంగా చేస్తాయి. గొరిల్లాలు, చింపాంజీలు నాభి మానవుడి నాభిలా కనిపిస్తుంది. కానీ గుడ్లు పెట్టే ప్లాటిపస్లకు బొడ్డు తాడు ఉండదు. అందుకే వాటికి బెల్లీ బటన్ ఉండదు. కంగారూలు, కోలాల వంటి మార్సుపియాల్స్ విషయానికొస్తే వాటి బొడ్డు తాడులు సాధారణంగా తల్లి సంచి లోపల ఉన్నప్పుడు పడిపోతాయి. కాబట్టి వాటికి మచ్చ ఏర్పడదు.
బొడ్డు బటన్ల భయాన్ని ఒంఫాలోఫోబియా అంటారు
కొంతమంది వారి బొడ్డు బటన్ ను తాకినప్పుడు నడుము కనిపించినప్పుడు ఆందోళన, భయం లేదా అసహ్యంగా భావిస్తారు. దీనిని ఓంఫాలోఫోబియా అంటారు. ఇది నాభికి ఓంఫాలో అనే గ్రీకు పదం నుంచి ఉద్భవించింది. ఈ భయం బొడ్డు తాడులు, గర్భాశయాలతో నాభి సంబంధంతో ముడిపడి ఉందని నమ్ముతారు. లేదా బొడ్డు బటన్ తొలగించబడుతుందన్న చిన్ననాటి భయం కూడా ఇందుకు కారణమంటున్నారు నిపుణులు.
నాభిని తాకితే..
మీ బొడ్డు బటన్ ను తాగడం వల్ల జలదరింపు అనుభూతి కలుగుతుంది. ఎందుకంటే ఇది మీ పొత్తికడుపు లోపలి భాగంలో ఫైబర్లను ప్రేరేపిస్తుంది. ఇది మీ వెన్నుపాముకు సందేశాన్ని పంపుతుంది. మీ వెన్నుపాము మీ మూత్రాశయం.. మూత్రాశయం నుంచి సంకేతాలను ప్రసారం చేస్తుంది. ఇది దాదాపు ఒకే విధంగా అనిపిస్తుంది. అయితే దీనిని మీరు మూత్రాశయంలో అసౌకర్యంగా భావిస్తారు.
ఇవి మూత్రాన్ని లీక్ చేస్తాయి
బెల్లీ బటన్ కూడా మూత్రం లీక్ కావడానికి కారణమవుతుంది. ప్రెగ్నెన్సీ ప్రారంభ దశలో యురాకస్ అని పిలువబడే గొట్టం పిండం మూత్రాశయం, బొడ్డు బటన్ ను కలుపుతుంది. అలాగే మూత్రం బయటకు వెళ్ళడానికి అనుమతిస్తుంది. ఇది సాధారణంగా పుట్టుకతో లేదా వెంటనే మూత్రాశయంపై మచ్చగా మారుతుంది. కానీ ఇలా ఖచ్చితంగా అని చెప్పలేం. అయితే ఈ యురాకస్ అనే ట్యూబ్ మూసివేయబడకపోతే మాత్రమే అది సమస్యగా మారుతుంది. దీనివల్ల మూత్రం యురాకస్ గుండా ప్రయాణించి నాభి నుంచి లీక్ అవుతుంది. ఈ సమస్యను పరిష్కరించడానికి శస్త్రచికిత్స అవసరం.
వేల రకాల బ్యాక్టీరియా
లింట్ తో పాటుగా చనిపోయిన చర్మం, కొవ్వు అణువులు, వేలాది బ్యాక్టీరియా కూడా మన నాభిలో ఉంటాయన్న ముచ్చట మీకు తెలుసా? బెల్లీ బటన్ బయోడైవర్సిటీ ప్రాజెక్ట్ నేతృత్వంలోని 2012 అధ్యయనం 66 మంది అధ్యయనంలో పాల్గొన్న వారి నాభిలో 2368 రకాల బ్యాక్టీరియాను నమోదు చేసింది.అయితే ఇవి హానికరమైన వ్యాధికారక క్రిముల నుంచి మనల్ని రక్షించడానికి సహాయపడతాయి. ఈ సూక్ష్మజీవులు లేకుండా మన రోగనిరోధక వ్యవస్థ సరిగా పనిచేయదని నిపుణులు చెబుతున్నారు. నిజానికి మన రోగనిరోధక వ్యవస్థ సరిగ్గా పనిచేయడానికి ఈ సూక్ష్మజీవుల సేకరణ ఒక నిర్దిష్ట కూర్పును కలిగి ఉండాలని చెప్తున్నారు.