పుట్టింటికెళ్తూ భర్తకు భార్య ఇలాంటి మెసేజా.. ఇవి చదివితే నవ్వాపుకోలేరంటే నమ్మండి..

భార్యలన్నాక పుట్టింటికి అపుడప్పుడు వెళ్లడం చాలా కామన్. కానీ పుట్టింటికెళ్తూ భార్యలు తమ భర్తలకు ఎన్నో విషయాలు చెప్తారు. అందులో కొన్ని బాగోగులు అయితే మరికొన్ని వార్నింగ్స్ కూడా ఉంటాయి. అయితే ఓ భార్య మాత్రం తన భర్తకు ఎలాంటి వార్నింగ్ ఇచ్చిందో తెలిస్తే మాత్రం పగలబడి నవ్వడం ఖాయమే..   

సోషల్ మీడియాలో మనకు నవ్వు తెప్పించే ఎన్నో ఫన్నీ వీడియోస్ ఉంటాయి. ముఖ్యంగా భార్యాభర్తల మధ్య జరిగే సన్నివేశాలు. వారి మధ్యన జరిగే ఛాటింగ్ అయితే తెగ ఫన్నీగా ఉంటుంది. మీలో చాలా మందికి ఈ అనుభవాలు చాలానే ఉంటాయి. వాటిని చూసినప్పుడు ‘మా మధ్య కూడా ఇలాంటివి జరిగాయే’ అని గుర్తు తెచ్చుకుని తెగ్గ నవ్వుకుంటుంటారు. సోషల్ మీడియాలో కంటే నిజ జీవితంలో జరిగే విషయాలే మనకు ఎక్కువ నవ్వు తెప్పిస్తాయి. 

సాధారణంగా భార్యలు పుట్టింటికి వెళ్తున్నప్పుడు తమ భర్తలకు ఎన్నో విషయాలు చెప్తుంటారు. బయట తినకు, ఎక్కువ తిరగకు, ఇళ్లంతా చెత్తతో పాడు చెయ్యకు అంటూ ఎన్నో విషయాలను వారికి చెప్తూనే ఉంటారు. ఇందులో కొన్ని జాగ్రత్తలు ఉంటే, మరికొన్ని వార్నింగ్స్ ఉంటాయి. ఇవన్నీ చాలా కామన్. వీటిని కూడా భర్తలు అంత సీరియస్ గా తీసుకోరు. ఇది ఇలాగే చెప్తుందిలే అని లైట్ తీసుకుంటారు. కానీ వాటిని చదివినప్పుడు మాత్రం తెగ నవ్వుస్తుంది. సాధారణంగా పెళ్లాం మొగుడి మధ్య ఫన్నీ ఛాట్స్ ఎక్కువగా సోషల్ మీడియాలో కనిపిస్తుంటాయి. ఇప్పుడు ఓ ఛాట్ కూడా అందరికీ నవ్వు తెప్పిస్తుంది. పుట్టింటికి వెళ్తూ ఓ భార్య తన భర్తకు వాట్సాప్ ఎలాంటి మెసేజ్ పెట్టిందో తెలుసుకుందాం పదండి. 

1. నేను పుట్టింటికి వెళ్లాను కదా అని మీరు ఫ్రెండ్స్ ను ఇంటికి పిలిచి పార్టీలు చేసుకునే ప్రొగ్రాం పెట్టకండి. పార్టీల వల్ల ఇళ్లు మొత్తం పాడవుతుంది. దీన్ని క్లీన్ చేయడానికి నాకు రెండు మూడు రోజుల టైం పడుతుంది. అందుకే ఇలాంటి ప్రొగ్రాం గట్రా పెట్టకండి. నన్ను ఇబ్బంది పెట్టకండి. 

2. నేను లేను కదా అని పక్కింటి వాళ్లను ఇబ్బంది పెట్టే పని మాత్రం చేయకండి. పాలొచ్చాయా? పేపరొచ్చిందా? అని పొద్దుపొద్దన్నే వాళ్ల నిద్రను డిస్టబ్ చేయకండి. మీరిలా చేశారంటే మీతో పాటుగా నన్ను కూడా తిట్టుకుంటారు. ఇదంతా నాకెందుకు. 

3. ఇక ముఖ్యమైన విషయం ఏంటంటే.. నేను వచ్చాకే మన పనిమనిషి పనిలోకి వస్తుంది. అంటే అప్పటి దాకా పనిలోకి రాదు. లేను లేనన్ని రోజులు వాళ్ల అమ్మే అన్ని పనులు చేస్తుంది. 

4. అందంగా కనిపించాలని అద్దం ముందు నిలబడి టైం వేస్ట్ చేయకండి. తొందరగా తయారయ్యి ఆఫీసుకు వెళ్లండి. చెప్పడం మర్చిపోయాను మీరు లేట్ చేస్తారని గడియారం కొంచెం ఫాస్ట్ పెట్టాను. మీరు దాన్నే ఫాలో అవ్వండి. అప్పుడే పనులన్నీ చకాచకా అయిపోతాయి. 

5. పుట్టింటికి వెళ్తుంది.. అక్కడే ఉంటుంది.. ఇక రాదు అనుకోకండి. నేను తొందరగా వస్తాన్న విషయాన్ని గుర్తుంచుకుని నడుచుకోండి.

6. ఏం చేశావ్.. స్టవ్ ఎప్పటినుంచో వెలిగిస్తున్నా వెలగడం లేదని నాకు ఫోన్ చేసి ఇబ్బంది పెట్టకండి. మీరు కింద ఆన్ చేయడం మర్చిపోతారు. అందుకే స్టవ్ ను వెలిగించే ముందు ఆన్ చేయండి.

7. మీకు మతిమరుపు ఎక్కువ. కళ్లద్దాలను బాత్రంలో పెట్టి ఎప్పుడూ మర్చిపోతుంటారు. కాబట్టి దాన్ని గుర్తుంచుకోండి. 

8. ఇకపోతే మన ఇంట్లో ఇంటర్నెట్ రాదు. ఏ అని ఫోన్ చేసి విసిగించకండి. ఎందుకంటే ఫోన్ చూస్తూ మీరు ఎప్పటికో నిద్రపోతారు. అందుకే ఇంటర్నెట్ ను కట్ చేయించాను. రాత్రి తిన్నాక తొందరగా పడుకోండి.