ప్రపంచ వ్యాప్తంగా క్రిస్మస్ వేడుకలను ఎంతో ఘనంగా జరుపుకుంటారు. ఈ సారి క్రిస్మస్ పండుగ సోమవారం నాడు వచ్చింది. అంటే మీకు లాంగ్ వీకెండ్ లభిస్తుంది. అందుకే ఈ క్రిస్మస్ ను మీరు అందమైన ప్రదేశాల్లో సెలబ్రేట్ చేసుకోవచ్చు. మీకు తెలుసా? మన ఇండియాలో కొన్ని ప్రదేశాల్లో క్రిస్మస్ వేడుకలు అదిరిపోతాయి. దీన్ని మీరు ఎప్పటికీ మర్చిపోలేరు కూడా.
క్రిస్మస్ నుంచి న్యూ ఇయర్ వరకు.. చాలా ఆఫీసులకు సెలవులు ఉన్న నెల ఒక్క డిసెంబరే. అయితే ఈ ప్రత్యేకమైన రోజే మీకు లీవ్ దొరకడమంటే కష్టమే. ఈ సారి క్రిస్మస్ పండుగ డిసెంబర్ 25 అంటే సోమవారం నాడు వస్తుంది. అది లాంగ్ వీకెండ్. అంటే తిరిగే వారికి ఇది మంచి సమయమన్న మాట. అంటే మీరు శుక్రవారం ఆఫీసు అయిపోయిన తర్వా త క్రిస్మస్ ట్రిప్ కు ఎంచక్కా వెళ్లొచ్చు. మీకు తెలుసా? ఇండియాలోని కొన్ని ప్రదేశాల్లో క్రిస్మస్ సెలబ్రేషన్స్ ను బాగా జరుకుంటారు. అవేంటో తెలుసుకుందాం పదండి.
గోవా
గోవాను ఇష్టపడనివారు ఉండదు. నిజానికి గోవా సీజన్లతో సంబంధం లేకుండా ఎప్పుడూ సందడిగా ఉంటుంది. కానీ డిసెంబర్ లో యాక్టివిటీ ఎక్కువగా ఉంటుంది. సుదూర ప్రాంతాల నుంచి పర్యాటకులు ఈ నెల స్టార్టింగ్ లోనే ఇక్కడికొచ్చి న్యూ ఇయర్ తర్వాత వెళ్తుంటారు. గోవా మధ్యలో.. అందమైన రాత్రి మీకు ఎంతో మంచి అనుభూతిని కలిగిస్తుంది. ఇలాంటి ఫీలింగ్ ను మీరు ఎప్పుడూ చూడరు. కానీ క్రిస్మస్ పండుగను కూడా ఇక్కడ ఎంతో ఘనంగా జరుపుకుంటారు. క్రిస్మస్ సందర్భంగా ఇక్కడి చర్చిలే కాదు.. వీధులు, భవనాలను కూడా రంగురంగుల లైట్లతో అలంకరిస్తారు. ఇది గోవా అందాన్ని మరింత పెంచుతుంది.
పాండిచ్చేరి
పాండిచ్చేరిని భారతదేశం "లిటిల్ ఫ్రాన్స్" అని కూడా పిలుస్తారు. ఎందుకంటే ఫ్రెంచ్ వారు ఇక్కడ చాలా కాలం పాలించారు. ఇక్కడ పెద్ద సంఖ్యలో క్రైస్తవులు నివసిస్తున్నారు. అందుకే క్రిస్మస్ వేడుకలు ఇక్కడ కూడా ఘనంగా జరుగుతాయి. మీరు క్రిస్మస్ లాంగ్ వీకెండ్ లో ఇక్కడకు రావడానికి కూడా ప్లాన్ చేసుకోవచ్చు. ఇక్కడ చూడవలసిన మరెన్నొ గొప్ప ప్రదేశాలు ఉన్నాయి.
కేరళ
చాలా మంది ఇండియన్స్ కు కేరళ అంటే చాలా చాలా ఇష్టం. జీవితంలో ఒక్క సారైనా కేరళకు వెళ్లిరావాలనుకుంటారు. అందుకే మీరు కూడా చాలా కాలంగా ఇక్కడికి వెళ్లాలని ఆలోచిస్తుంటే.. ఈ క్రిస్మస్ కు కేరళకు వెళ్లిరండి. ఇక్కడ క్రైస్తవులు పెద్ద సంఖ్యలో నివసిస్తున్నారు. అందుకే మీరు ఇక్కడ ఉన్న ప్రతి చర్చిలో ఈ పండుగ ప్రకాశాన్ని చూడొచ్చు.
సిక్కిం
ఈశాన్యంలో ఉన్న సిక్కిం లో కూడా మీరు క్రిస్మస్ వేడుకలను చూడొచ్చు. సిక్కింలో డిసెంబర్ నెలలో చలి ఎక్కువగా ఉంటుంది. కానీ ఈ సీజన్ లో ఇక్కడ ఎన్నో అందమైన ప్రదేశాలను చూడొచ్చు.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి