నిజానికి క్రిస్మస్ కు కేక్ ను కట్ చేసే ఆచారం మొదట్లో లేదు. అప్పట్లో పండ్లనే కేకులుగా భావించేటోళ్లు. వాటినే పంచిపెట్టే వాళ్లు. రాను రాను పండ్లకు బదులుగా.. డ్రై ఫ్రూట్స్ తో చేసే కమ్మని కేకులు.. క్రిస్మస్ కేకులుగా మారిపోయాయి.
ప్రతి ఏడాది డిసెంబర్ 25 న ఘనంగా క్రిస్మస్ వేడుకలను సెలబ్రేట్ చేసుకుంటారు. ప్రపంచ వ్యాప్తంగా ఈ వేడుక చాలా అంగరంగ వైభవంగా జరుగుతుంది. ఈ పవిత్రమైన రోజున క్రైస్తవులు చర్చీలకు వెళ్లి యేసు ప్రభువును ఆరాధిస్తారు. ముఖ్యంగా ఈ రోజున కొవ్వుత్తులను వెలిగించడం, బహుమతులను ఇవ్వడం, యేసు ప్రభువు గురించి పాటలు పాడటం, సామూహిక ప్రార్థనలు, ప్రత్యేక విందు, క్రీస్తు జననం గురించి ప్రదర్శించడం, క్రిస్మస్ చెట్టు వంటివి ప్రత్యేకంగా నిలుస్తాయి. వీటికి తోడు శాంతా క్లాజ్, ఫాదర్ క్రిస్మస్ వంటి పాత్రలు చిన్న పిల్లలతో సరదాగా ఆడి పాడటం, వారికి చాక్లెట్లు, బహుమతులను పంచే సాంప్రాదాయాలు కనువిందు చేస్తుంటాయి.
పారిశ్రామిక విప్లవానికి ముందు క్రిస్మస్ వేడుకలను 12 రోజుల పాటు జరుపుకునే వాళ్లు. కానీ ఇప్పుడు ఇది లేదు. ఇప్పుడు వారం రోజుల పాటు మాత్రమే క్రిస్మస్ వేడుకలను జరుపుకుంటారు. ఇక ఈ పండుగ ముగింపు రోజున రుచికరమైన ఫ్రూట్ కేక్ ను తింటారు. ఫ్రూట్ కేక్ క్రిస్మస్ కేక్ అనే కొత్త క్రిస్మస్ సాంప్రదాయానికి ప్రారంభం అవుతుంది.
కానీ ఈ సాంప్రదాయం ఒకప్పుడు అంతగా లేదు. కానీ ఇప్పుడుు క్రిస్మస్ కేక్ లేకుండా క్రిస్మస్ వేడుకలు అస్సలు జరగవు. అయితే కేక్ అనేది ఆంగ్ల సాంప్రదాయం. ఈ కేక్ ను అప్పట్లో తేమగా ఉండే జాంటే ఎండుద్రాక్ష, బంగారు ఎండుద్రాక్ష, రమ్ లో నానబెట్టిన ఎండుద్రాక్షలతో తయారుచేసేవారు. రానురాను ఈ కేక్ తయారీ విధానం పూర్తిగా మారిపోయింది. నిజానికి 16 వ శతాబ్దంలోనే కిస్మస్ కు కేక్ ను కట్ చేసే ఆచారం వచ్చింది. క్రిస్మస్ కు కూరగాయలు, రొట్టెలతో తయారుచేసిన వంటకాన్నే ఉపయోగించేవాళ్లు అప్పట్లో. దీన్నే ప్లం పుడ్డింగ్ అంటారు.
అయితే వీటికి బదులుగా 16 వ శతాబద్దంలో గోధుమ పిండి, గుడ్లు, వెన్నతో తయారుచేసిన వంటకాన్ని తయారుచేసారు. ఈస్టర్ కేక్ కోసం కొన్ని సంపన్న కుటుంబాలు మార్జిపాన్ అనే బాదం చక్కెర పేస్ట్ ను కూడా ఉపయోగించారు. ఇదే రానురాను కేక్ గా మారిపోయింది. మీకు తెలుసా.. క్రిస్మస్ ఇకా నెల ఉందనగానే కేక్ లను రెడీ చేస్తారు. అందులోనూ క్రిస్మస్ కేకులకు మార్కెట్ లో బలే డిమాండ్ ఉంటుంది. ఇతర కేకుల్లా కాకుండా ఈ కేక్ చాలా చాలా హెల్తీగా ఉంటుంది. ఎందుకంటే ఈ కేకులను ఎక్కువగా డ్రై ఫ్రూట్స్ తోనే తయారుచేస్తారు. ఈ స్పెషల్ డే కు చాలా మటుకు ప్లం కేకులనే కొంటారు. ఇక ఈ కేకులకు ఎండుద్రాక్షలను పక్కాగా జోడిస్తారు. ఎందుకంటే ఇవి కేకులను ఫంగస్ నుంచి రక్షిస్తాయి. వీటినే ఫ్రూట్ కేక్ అంటారు. నిజానికి ఇతర కేకులతో పోలిస్తే ఫ్రూట్స్ కేక్ లు బలే టేస్టీగా ఉంటాయి.