Isabgol Benefits: దీన్ని నీళ్లల్లో నానబెట్టి తాగితే పొద్దున్న కల్లా మీ మలబద్ధకం పరార్, షుగర్ కంట్రోల్ లో ఉంటుంది

Isabgol Benefits: తిన్న తిండి జీర్ణం కాక పొద్దున్నే మలబద్ధకంతో చాలా మంది ఇబ్బంది పడుతుంటారు. దాని కోసమని ఆ మందులు, ఈ మందులు వేసేసుకుంటారు. అవన్నీ కాకుండా ఇదొక్కటి రాత్రి పూట నానబెట్టి తాగితే ఉదయాని కల్లా కడుపు క్లియర్ అయిపోతుంది. 

మీ మలబద్ధకం పరార్

చాలా మంది సమయానికి భోజనం చేయరు. నీళ్లు సరిగ్గా తాగరు. ఆకలేస్తే దొరికింది కదా అని ఫాస్ట్ ఫుడ్ తినేస్తారు. ఒక్కోసారి పిజ్జాలు, బర్గర్లు తింటుంటారు. అవి తిన్నాక జీర్ణం కాక ఇబ్బంది పడుతుంటారు. పొద్దున్నే మలబద్ధకంతో రోజంతా భారంగా ఉంటారు. చేసే పని మీద దృష్టి ఉండదు. ఆకలిపుట్టదు, చికాకు, కోపం..ఇలా అవస్థలు పడుతుంటారు. ఇలాంటి సమస్యలకు ఇంట్లోనే ఒక చిన్న చిట్కా ఉంది. దాన్ని రాత్రి పూట నీటిలో నానబెట్టి పొద్దునే తాగితే అన్ని సమస్యలు పరార్.

చూడటానికి గొంద్ లానే ఉంటుంది

ఇసబ్‌గోల్ (Psyllium Husk) అనేది ఒక మొక్క గింజల పొట్టు. దీనిలో ఫైబర్ ఎక్కువగా ఉంటుంది. ఇది జీర్ణక్రియను మెరుగుపరుస్తుంది. ముఖ్యంగా మలబద్ధకం సమస్య ఉన్నవారికి ఇది ఎంతో ఉపశమనం కలిగిస్తుంది. నీటిలో కలిసిన తర్వాత జెల్‌లా మారుతుంది. చూడటానికి అచ్చం గొంద్ లానే ఉంటుంది. ఇది పేగుల్లో మలాన్ని సాఫ్ట్‌గా మార్చి బయటకు వెళ్లేందుకు సహాయపడుతుంది. 

అతిగా తినాలనే కోరిక తగ్గుతుంది

కేవలం జీర్ణక్రియకే కాకుండా బరువు నియంత్రణలో కూడా ఇసబ్‌గోల్ (Psyllium Husk) ఉపయోగపడుతుంది. దీన్ని తీసుకున్న తర్వాత ఎక్కువసేపు ఆకలి అనిపించదు. దీంతో అనవసరంగా తినే అలవాటు తగ్గుతుంది. అందుకే బరువు తగ్గాలనుకునే వారు తమ డైట్‌లో దీన్ని చేర్చుకుంటున్నారు. చూసేందుకు నువ్వు పొట్టులా ఉంటుంది. దీనిని సైలియం పొట్టు అని కూడా అంటారు.

షుగర్ కంట్రోల్‍లో ఉంటుంది

అలాగే రక్తంలో చక్కెర స్థాయిలను నియంత్రించడంలో కూడా ఇసబ్‌గోల్(Psyllium Husk) సహాయపడుతుందని నిపుణులు చెబుతున్నారు. ఫైబర్ అధికంగా ఉండటం వల్ల ఆహారం నెమ్మదిగా జీర్ణమవుతుంది. దీంతో షుగర్ ఒక్కసారిగా పెరగకుండా ఉండొచ్చు. కొలెస్ట్రాల్ తగ్గించడంలో కూడా ఇది మేలు చేస్తుందని కొన్ని అధ్యయనాలు సూచిస్తున్నాయి. 

వైద్యుల సలహా తీసుకోవడం ఉత్తమం

సాధారణంగా ఒక గ్లాస్ గోరువెచ్చని నీరు లేదా పాలలో ఒకటి నుంచి రెండు చెంచాల ఇసబ్‌గోల్ కలిపి తీసుకుంటారు. చాలామంది రాత్రి పడుకునే ముందు దీనిని తీసుకోవడం అలవాటు చేసుకుంటారు. అయితే దీన్ని తీసుకున్న తర్వాత తగినంత నీరు తాగడం చాలా ముఖ్యం. లేకపోతే కడుపు ఉబ్బరం లేదా అసౌకర్యం కలగొచ్చు. లేకపోతే రాత్రి పూట గ్లాస్ నీళ్లలో పటికబెల్లం, ఈ ఇసబ్ గోల్(Psyllium Husk) వేసి నానబెట్టి పొద్దున్నే ఆ నీరు తాగితే ఇంకా మంచి ఫలితాలు ఉంటాయి.

అయితే ప్రతి ఒక్కరికీ ఒకే విధంగా ఉపయోగపడకపోవచ్చు. ఇప్పటికే ఆరోగ్య సమస్యలు ఉన్నవారు లేదా చిన్నపిల్లలకు ఇవ్వాలనుకుంటే ముందుగా వైద్యుల సలహా తీసుకోవడం మంచిది. సరైన మోతాదులో వాడితే ఇసబ్‌గోల్ ఆరోగ్యానికి మంచి సహజ సహాయకుడిగా పనిచేస్తుంది.