Eyes: ఎక్కువ సేపు కంప్యూటర్ ముందు కూర్చుంటున్నారా ? మీ కంటి ఆరోగ్యాన్ని కాపాడుకోండిలా!

Eyes Health Tips: ఈ రోజుల్లో కంప్యూటర్, మొబైల్ వాడకం ఎక్కువైంది. గంటల తరబడి వాటిని వినియోగించడం వలన మన కళ్ల మీద ఒత్తిడి పెరిగి కంటిచూపు మందగిస్తుంది. ఈ పరిస్థితుల్లో కంటి ఆరోగ్యానికి మెరుగుపరిచే ఈ ఆహారాన్ని మీ డైట్ చేర్చుకోండి. ఆ సూపర్ ఫుడ్ ఏమిటంటే?

క్యారెట్

కంటి చూపును మెరుగుపరిచే ఆహరం క్యారెట్ మొదటిది. క్యారెట్లలో బీటా-కెరోటిన్ అనే పోషకం ఉంటుంది, ఇది కంటి ఆరోగ్యానికి చాలా ముఖ్యం. విటమిన్ ఎ లోపం కంటి చూపు మందగిస్తుంది. కాబట్టి క్యారెట్లు తినడం వల్ల కంటి చూపు మెరుగుపడుతుంది. 

ఉసిరి

ఉసిరికాయ లేదా ఇండియన్ గూస్బెర్రీ. ఇది కంటి ఆరోగ్యానికి ఎంతో మేలు చేస్తుంది. ఇందులో విటమిన్ ఎ పుష్కలంగా ఉంటుంది. ఇది కంటి చూపును మెరుగుపరచడంలో సహాయపడుతుంది. వయస్సు సంబంధిత మచ్చల క్షీణత, కంటిశుక్లం వంటి సమస్యలను నివారించడంలో సహాయపడుతుంది. ఉసిరిలో ఉండే శీతలీకరణ గుణాలు పొడిబారిన కళ్ళకు ఉపశమనం అందిస్తాయి. కాబట్టి ప్రతిరోజూ ఉసిరి రసం లేదా ఉసిరికాయ తినడం కంటి ఆరోగ్యానికి చాలా మంచిది.

పాలకూర

పాలకూరలో కంటి చూపును మెరుగుపర్చడానికి అవసరమైన పోషకాలు ఉంటాయి. ఇవి కంటి ఆరోగ్యాన్ని మెరుగుపరుస్తాయి. పాలకూరలో లుటీన్, జియాక్సంతిన్ వంటి యాంటీఆక్సిడెంట్లు ఉంటాయి, ఇవి కంటిశుక్లం, వయస్సు సంబంధిత కంటి సమస్యల నుండి రక్షించడంలో సహాయపడతాయి.   

అక్రోట్లు

అక్రోట్లు (వాల్‌నట్‌లు) కంటి చూపును మెరుగుపరచడంలో సహాయపడతాయి. వాటిలో ఒమేగా-3 ఫ్యాటీ యాసిడ్లు, విటమిన్లు E, ల్యూటిన్, జియాక్సంతిన్ వంటి పోషకాలు అధికంగా ఉంటాయి. ఇవి కంటి ఆరోగ్యాన్ని కాపాడతాయి.  వయస్సు-సంబంధిత కంటి వ్యాధులను నివారించడంలో సహాయపడతాయి. 

బీట్ రూట్

బీట్ రూట్ కంటి ఆరోగ్యానికి ఎంతో మేలు చేస్తుంది. ఇందులో ఉండే పోషకాలు కంటి చూపును మెరుగుపరచడంలో సహాయపడతాయి. బీట్‌రూట్‌లో లుటిన్, జియాక్సంతిన్ వంటి యాంటీఆక్సిడెంట్లు పుష్కలంగా ఉంటాయి, ఇవి కంటిశుక్లం వంటి దృష్టి సమస్యలను నివారించడంలో సహాయపడతాయి. అలాగే.. బీట్ రూట్ తినడం వల్ల కంటి కింద నల్లటి వలయాలు కూడా పోతాయి. 

ఆకుకూరలు

ఆకుకూరలు కూడా కంటి చూపు మెరుగుపడానికి ఎంతో మేలు చేస్తాయి. బచ్చలికూర, కాలే, తోటకూర వంటి ఆకుకూరలలో లుటీన్,  జియాక్సంతిన్ వంటి యాంటీఆక్సిడెంట్లు పుష్కలంగా ఉంటాయి. ఇవి కంటి ఆరోగ్యాన్ని మెరుగుపరచడంలో సహాయపడతాయి.  కళ్ళు ఆరోగ్యంగా ఉంచుకోవడానికి మీ రోజువారీ ఆహారంలో పుష్కలంగా ఆకుకూరలు చేర్చుకోండి. వీటిలో విటమిన్ ఎ, బి, సి, ఒమేగా-3 ఉంటాయి. ఇవి కంటి ఆరోగ్యానికే కాదు. శరీరక ఆరోగ్యానికి కూడా ఎంతో ముఖ్యం.