Eyes: ఈ అలవాట్లు మిమ్మల్ని గుడ్డివాళ్లను చేస్తాయి జాగ్రత్త..

Eyes: కళ్లను ఎక్కువగా రుద్దడం, స్మోకింగ్ చేయడం, సూర్యుడిని నేరుగా చూడటం, మధుమేహం నియంత్రణలో లేకపోవడం వంటి అలవాట్ల మూలంగా మీ కంటి చూపు తగ్గిపోయే ప్రమాదముందని ఆరోగ్య నిపుణులు హెచ్చరిస్తున్నారు.

Eyes: మానవ శరీరంలోని అవయవాల్లో కళ్లు చాలా సున్నితమైనవి. వీటిని ఎంత జాగ్రత్తగా చూసుకుంటే అంత మంచిది. కళ్లు లేకపోతే ఈ లోకం మొత్తం చీకటే అవుతుంది. కాబట్టి కళ్లను జాగ్రత్తగా చూసుకోవాల్సిన అవసరం ఎంతో ఉంది. అయితే కొన్ని అలవాట్ల వల్ల కంటిచూపు దెబ్బతినే ప్రమాదముందని ఆరోగ్య నిపుణులు హెచ్చరిస్తున్నారు. అవేంటంటే.. 

డయాబెటీస్.. మధుమేహం కేవలం ఒక అనారోగ్య సమస్యే కాదు. ఇది నియంత్రణలో లేకపోతే మరెన్నో అనారోగ్య సమస్యలు మనల్ని చుట్టుకునే ప్రమాదం ఉందని ఆరోగ్య నిపుణులు హెచ్చరిస్తున్నారు. మధుమేహులు వారి రక్తంలో చక్కెర స్థాయిలను నియంత్రణలో ఉంచుకోకపోతే మాత్రం కంటి శుక్లం, గ్లాకోమా, డయాబెటిక్ రెటినోపతి, మాక్యులెర్ ఎడేమా, అంధత్వం వంటి కంటికి సంబంధించిన  సమస్యలు చుట్టుకుంటాయి. మధుమేహులకు వారి కంటిచూపులో కొంచెం  తేడా కొట్టినా వెంటనే డాక్టర్ ను సంప్రదించడం మంచిది.  ఈ అంధత్వం సమస్య 18 నుంచి 64 ఏండ్ల లోపు వారికే వస్తుందని డాక్టర్లు తేల్చి చెబుతున్నారు. 

కళ్లను రుద్దడం.. కంట్లో కాస్త దుమ్ము దూళి పడినా.. లేకపోతే నిద్రతగ్గినప్పుడో లేకపోతే దురదగా అనిపించినప్పుడే అదే పనిగా కళ్లను రుద్దేవారు చాలా మందే ఉన్నారు. ఇది మీకు సర్వసాధారణంగా అనిపించినా కళ్లను ఎక్కువగా రుద్దితే కండ్లలో  keratoconus డెవలప్ చెందుతుంది. దీంతో కార్నియా బలహీనపడి కంటిచూపు దెబ్బతినే ప్రమాదం ఉంది. కాబట్టి దురదగా అనిపిస్తే అలా రుద్దకుండా వైద్యుడిని సంప్రదించండి. 

స్మోకింగ్.. స్మోకింగ్ కు కంటికి ఏంటి సంబంధమని అనుకోకండి. స్మోకింగ్ చేయడం వల్ల కళ్లలలో చికాకు పెడుతుంది. ముఖ్యంగా స్మోకింగ్ సమయంలో ఆ పొగ కళ్లను తాగితే చాలా డేంజర్. తరచుగా ఆ పొగ కళ్లను తాకితే కంటి చూపు తగ్గుతుందని ఆరోగ్య నిపుణులు హెచ్చరిస్తున్నారు. 

eyes

సూర్యుడిని చూడటం.. ఎర్రటెండలో సూర్యుడిని అదేపనిగా చూస్తుంటారు. ఇలా చూస్తే మాత్రం కంటి  రెటీనా దెబ్బతింటుంది. దీనివల్ల మీరు కంటిచూపును కోల్పోవచ్చు. 

సన్ గ్లాసెస్ పెట్టుకోకపోవడం.. మండుతున్న ఎండలకు బయటకు వెళ్లినప్పుడు తప్పకుండా కంటిచుట్టూ సన్ స్క్రీన్ లోషన్ ను అప్లై చేసుకోవాలి. అలాగే ఖచ్చితంగా కళ్లకు సన్ గ్లాసెస్ పెట్టుకోవాలి. ఇలా చేయడం వల్ల సూర్యుని నుంచి వచ్చే అతినీల లోహిత కిరణాలు మన కళ్లపై చెడు ప్రభావాన్నిచూపించవు. లేదంటే యూవీకిరణాలు కంటిపై పడి కంటిచూపును దెబ్బతీస్తాయి.