Health Tips: 60లోనూ 20లా యంగ్‌గా కనిపించాలా? ఈ టిప్స్ ఫాలోకండి

Health Tips: 60 ఏళ్ళ వయసులో కూడా 20 ఏళ్ళ వారిలా చురుగ్గా కనిపించాలనుకుంటున్నారా? అయితే ఇప్పటినుండే కొన్ని మంచి అలవాట్లను  పాటించండి. ఈ చిట్కాలను పాటిస్తే 60 ఏళ్ళు వచ్చినా చింత ఉండదు. ఆ ఆరోగ్యకరమైన అలవాట్లు ఏమిటో తెలుసుకోండి.

రోజూ వ్యాయామం :

60 ఏళ్ళలో కూడా వ్యాయామం చాలా ముఖ్యం. ఇది కండరాలను బలోపేతం చేస్తుంది, ఎముకల సాంద్రతను కాపాడుతుంది, హృదయ ఆరోగ్యాన్ని మెరుగుపరుస్తుంది. రోజూ 30 నిమిషాలు నడక, ఈత, యోగా వంటివి మంచివి. బరువులు ఎత్తడం వల్ల కండరాలు, ఎముకలు బలపడతాయి.

సమతుల్య ఆహారం

వయసుకు తగ్గ ఆహారం తీసుకోవడం చాలా ముఖ్యం. ప్రాసెస్ చేసిన ఆహారం, చక్కెర, ఉప్పు తక్కువగా తీసుకోవాలి. పండ్లు, కూరగాయలు, తృణధాన్యాలు వంటివి ఎక్కువగా తినాలి. ఇవి మలబద్ధకాన్ని నివారిస్తాయి. పాల ఉత్పత్తులు, ఆకుకూరలు ఎముకలకు మంచివి. పప్పులు, చేపలు, చికెన్, గుడ్లు వంటివి కండరాలకు మంచివి.

సరైన నిద్ర

60 ఏళ్ళలో రోజుకి 7-8 గంటలు నిద్ర అవసరం. ప్రతిరోజూ ఒకే సమయానికి పడుకోవడం, లేవడం మంచిది. పడుకునే ముందు పుస్తకం చదవడం, సంగీతం వినడం, స్నానం చేయడం మంచిది. కాఫీ, ఆల్కహాల్ వంటి వాటికి దూరంగా ఉండటం బెటర్.  

సామాజిక భాగస్వామ్యం

సామాజికంగా చురుగ్గా ఉండటం మంచిది. కొత్త భాష నేర్చుకోవడం, కొత్త నైపుణ్యం నేర్చుకోవడం మంచిది. ఇది మెదడును చురుగ్గా ఉంచుతుంది. సామాజిక సేవలో పాల్గొనడం మంచిది. కుటుంబ సభ్యులతో సమయం గడపాలి. ధ్యానం, యోగా, ప్రాణాయామం చేయడం బెటర్. 

వైద్య పరీక్షలు

60 ఏళ్ళలో వైద్య పరీక్షలు చాలా ముఖ్యం. తరుచుగా బిపి, షుగర్ లెవెల్స్,  కొలెస్ట్రాల్ లెవెల్స్ తెలుసుకోవాలి. దంత, నేత్ర పరీక్షలు చేయించుకోవాలి. వ్యాక్సిన్లు తీసుకోవాలి. ఇతర ఆరోగ్య సమస్యలను ముందుగానే గుర్తించి చికిత్స తీసుకోవడం ఉత్తమం. 

సానుకూల దృక్పథం

60 ఏళ్ళలో సానుకూల దృక్పథంతో వ్యవహరించండి. గతం గురించి చింతించకుండా వర్తమానంపై దృష్టి పెట్టాలి. భవిష్యత్తును ఆశతో ఎదుర్కోవాలి. ప్రతిరోజూ జరిగిన మంచి విషయాలను గుర్తుంచుకోవాలి. నవ్వాలి, సంతోషంగా ఉండాలి. ఇష్టమైనవి చేయాలి. శారీరక, మానసిక ఆరోగ్యం జాగ్రత్తగా చూసుకోవాలి. మీరు ఒంటరి కాదు. అవసరమైతే సహాయం తీసుకోవాలి.