Flaxseeds: అవిసె గింజలు ఎలా వాడితే అందం పెరుగుతుందో తెలుసా?

అవిసెగింజల్లో ఉంటే యాంటీ ఆక్సిడెంట్లు, ఒమేగా 3 ఫ్యాటీ యాసిడ్స్.. ముఖంపై నల్లమచ్చలను తగ్గించడంలో సహాయపడతాయి.

అవిసెగింజలతో అందం పెరుగుతుందా?

అవిసెగింజలు పోషకాలకు నిలయం. ఈ గింజల్లో ముఖ్యమైన ఫ్యాటీ యాసిడ్స్, యాంటీ ఆక్సిడెంట్లు, ఫైబర్ అధికంగా ఉంటాయి. ఇవి మన ఆరోగ్యానికి మాత్రమే కాదు, చర్మ సౌందర్యాన్ని పెంచడంలోనూ సహాయపడతాయి. అవిసెగింజల్లో ఉంటే యాంటీ ఆక్సిడెంట్లు, ఒమేగా 3 ఫ్యాటీ యాసిడ్స్.. ముఖంపై నల్లమచ్చలను తగ్గించడంలో సహాయపడతాయి. అంతేకాదు.. చర్మం రంగు మెరుగుపడటంలోనే సహాయపడతాయి. స్కిన్ మృదువుగా మారడానికి సహాయపడతాయి.మరి, మెరిసే చర్మం కోసం అవిసెగింజలు ఎలా సహాయపడతాయి? వాటిని ఎలా వాడాలి అనే విషయం తెలుసుకుందాం....

మొటిమల సమస్య తగ్గించే అవిసెగింజలు..

యవ్వనాన్ని కాపాడుతుంది: అవిసె గింజల యాంటీ ఆక్సిడెంట్ లక్షణాలు స్కిన్ ని అందంగా మార్చడానికి సహాయపడుతుంది. ఇది చర్మంపై ఫైన్ లైన్స్, ముడతలను తగ్గించడంలో సహాయపడుతుంది. ఈ గింజలు చర్మ స్థితిస్థాపకతను మెరుగుపరుస్తాయి. ఇది చర్మం కుంగిపోకుండా నిరోధించడంలో కూడా ప్రయోజనకరంగా ఉంటుంది. ఇవన్నీ వృద్ధాప్య సంకేతాలను తగ్గించడంలో, చర్మాన్ని యవ్వనంగా మార్చడంలో సహాయపడతాయి.

మొటిమల నుండి రక్షణ: అవిసె గింజలు మొటిమలకు కారణమయ్యే హార్మోన్ల స్థాయిలను సమతుల్యం చేయడంలో ప్రయోజనకరంగా ఉంటాయి. ఇది మొటిమలు పెరగకుండా నిరోధిస్తుంది. అందువలన, అవిసె గింజలు మొటిమలు తొలగించడంలో ప్రయోజనకరంగా ఉంటాయి.

చర్మానికి తేమ..

చికాకును తగ్గిస్తుంది: అవిసె గింజలలోని ఒమేగా-3 కొవ్వు ఆమ్లాలు చర్మంలో తేమను నిలుపుకోవడంలో సహాయపడతాయి. దీని శోథ నిరోధక లక్షణాలు, ఇతర పోషక ప్రయోజనాలు చర్మంపై గాయాలు, మచ్చలను వేగంగా నయం చేయడంలో సహాయపడతాయి. ఇది చర్మపు చికాకు, మంట, దద్దుర్లు తగ్గించడంలో సహాయపడతాయి.

పొడి చర్మాన్ని నివారిస్తుంది: అవిసె గింజలలో ఆల్ఫా-లినోలెనిక్ ఆమ్లం, ఒమేగా-3 కొవ్వు ఆమ్లం పుష్కలంగా ఉంటాయి, ఇది చర్మంలో తేమను నిలుపుకోవడానికి, డ్రై స్కిన్ సమస్యను తగ్గించడానికి సహాయపడుతుంది.

ఉత్తమ ఎక్స్‌ఫోలియేటర్: అవిసె గింజలతో ఫేస్ ప్యాక్‌ను ఉపయోగించడం వల్ల డెడ్ స్కిన్ సెల్స్ ని తొలగించడానికి సహాయపడుతుంది. అదనపు నూనె, మలినాలు , బ్లాక్‌హెడ్స్ సులభంగా తొలగించగలం. మీ చర్మం తాజాగా కనిపిస్తుంది.

చర్మ సంరక్షణ..

చర్మ సంరక్షణ: అవిసె గింజల్లో ఫైబర్ పుష్కలంగా ఉంటుంది. ఇది జీర్ణవ్యవస్థ ఆరోగ్యాన్ని మెరుగుపరచడంలో సహాయపడుతుంది. ఆరోగ్యకరమైన జీర్ణవ్యవస్థ శరీరం పోషకాలను మరింత సమర్థవంతంగా గ్రహించడానికి అనుమతిస్తుంది. ఇది చర్మ ఆరోగ్యం, ఆకృతిని మెరుగుపరుస్తుంది.

అవిసెగింజలను ఎలా ఉపయోగించాలి?

ఒక టేబుల్ స్పూన్ అవిసె గింజలను నీటిలో వేసి వాటిని రాత్రంతా నానబెట్టండి. మరుసటి రోజు ఉదయం, నానబెట్టిన అవిసె గింజలకు ఒక టేబుల్ స్పూన్ బియ్యం పిండి, ఒక టేబుల్ స్పూన్ తేనె , అర టేబుల్ స్పూన్ ఆలివ్ నూనె జోడించండి. వీటిని బాగా కలిపి మీ ముఖంపై అప్లై చేసి 30 నిమిషాల తర్వాత ముఖం కడుక్కోండి.

ఒక గిన్నెలో ఒక టీస్పూన్ అవిసె గింజలు, ఒక టేబుల్ స్పూన్ పెరుగు, అర టీస్పూన్ పసుపు కలిపి మెత్తని పేస్ట్ లా తయారు చేసుకోండి. దీన్ని మీ ముఖానికి అప్లై చేసి 15 నిమిషాల తర్వాత చల్లటి నీటితో శుభ్రం చేసుకోండి. ఈ రెండు ఫేస్ ప్యాక్ లలో ఏది ఉపయోగించినా.. మీ చర్మం అందంగా మారుతుంది.