సింగర్ సునీత కుమారుడు ఆకాష్ తల్లి రెండో పెళ్లిపై ఆసక్తికర కామెంట్స్ చేశాడు. రెండో వివాహం అనంతరం కూడా మొదటి భర్త ఆమెను కలుస్తున్నాడట. ఆకాష్ కామెంట్స్ వైరల్ అవుతున్నాయి.
సింగర్ సునీత కుమారుడు ఆకాష్ ఇటీవల హీరోగా అరంగేట్రం చేశాడు. ఆకాష్ నటించిన సర్కారు నౌకరి జనవరి 1న విడుదలై పాజిటివ్ టాక్ తెచ్చుకుంది. పీరియాడిక్ సోషల్ డ్రామాగా సర్కారు నౌకరి తెరకెక్కింది. ఆకాష్ నటనకు ప్రశంసలు దక్కాయి.
ఈ చిత్ర ప్రమోషన్స్ లో పాల్గొంటున్న ఆకాష్ తల్లి రెండో వివాహం పై కీలక కామెంట్స్ చేశాడు. ఆకాష్ మాట్లాడుతూ... నాకు పరిపక్వత వచ్చాక తెలిసిన విషయం ఏంటంటే.. పరిశ్రమలో చాలా కాంపిటీషన్ ఉంటుంది. మహిళలు మరింత ఒత్తిడికి గురవుతారు.
అమ్మ ఆ ఒత్తిడిని భరిస్తూనే మరోపక్క నన్ను, చెల్లిని, అమ్మమ్మను, తాతయ్యను చూసుకుంది. మేము అందరం కలిసి ఉండేవాళ్ళం. రెండో పెళ్లి అయ్యాక కూడా నాన్న ఇంటికి వస్తూ ఉంటారు. రామకృష్ణ గారితో(సునీత రెండో భర్త) నాన్న ఫ్రెండ్లీగా ఉంటారు. కోపం, పగలు వదిలేసి ప్రశాంతంగా ఉంటున్నాము.
అమ్మ రెండో వివాహం విషయంలో చాలా భయపడింది. పిల్లలు ఎలా అర్థం చేసుకుంటారో అని ఆందోళన చెందింది. రామకృష్ణ అనే మీకు ఇష్టమేనా అని నేను అమ్మను అడిగాను. ఇష్టమే అని అమ్మ చెప్పింది. అమ్మ చాలా కాలం ఎమోషనల్ సపోర్ట్ మిస్ అయ్యింది. ఆమె సంతోషమే మాకు ముఖ్యం... అని అన్నాడు.
ఆకాష్ మాటలను బట్టి చూస్తే రామకృష్ణతో పెళ్లి తర్వాత కూడా మొదటి భర్తతో సునీత సత్సంబంధాలు కలిగి ఉన్నారు. పిల్లల కోసం బహుశా వారిద్దరి కలుస్తారని అర్థం అవుతుంది. రామకృష్ణకు కూడా సునీత మొదటి భర్తతో పరిచయం ఉంది. స్నేహితులుగా మెలుగుతారనిపిస్తుంది.
2021 జనవరిలో 42 ఏళ్ల సునీత రెండో వివాహం చేసుకుంది. రామకృష్ణ మ్యాంగో మీడియా అధినేత. సునీత రెండో వివాహం చేసుకోవడంపై అనేక విమర్శలు వినిపించాయి. పెళ్లీడు కొచ్చిన పిల్లలు ఉండగా మీరు పెళ్లి చేసుకోవడం ఏంటని సోషల్ మీడియాలో కొందరు కామెంట్స్ చేశారు. స్నేహితులు సునీతకు అండగా నిలిచారు.
ఇక 19 ఏళ్లకే సునీత కిరణ్ కుమార్ గోపరాజు అనే వ్యక్తిని ప్రేమ వివాహం చేసుకుంది. వీరికి అబ్బాయి, అమ్మాయి సంతానం. ఆర్థిక కారణాలతో ఇద్దరి మధ్య విబేధాలు తలెత్తి విడిపోయారు. రెండో పెళ్లితో సునీత జీవితం కలర్ఫుల్ గా మారింది.