Devatha: బుల్లితెరపై ప్రసారమవుతున్న దేవత సీరియల్ ప్రేక్షకుల్ని ఆకట్టుకుంటుంది. చెల్లి కోసం భర్తను త్యాగం చేసిన మహిళ కథతో ప్రేక్షకుల ముందు వచ్చింది. నిత్యం ట్విస్టులతో కొనసాగుతున్న ఈ సీరియల్ ఈ రోజు ఆగస్ట్ 22వ తేదీ ఎపిసోడ్‌లో ఏం జరిగిందో హైలెట్స్ తెలుసుకుందాం..
ఈరోజు ఎపిసోడ్ ప్రారంభంలోనే... బారసాల వేడుకలకు భాగ్యమ్మ వెళ్తుంది. కానీ అక్కడ దేవుడమ్మ వాళ్ళందరూ భాగ్యమ్మని తిడుతూ ఇప్పుడా వచ్చేది కన్న కూతురి కి కూతురు పుట్టి,వరసలు చేస్తే బారసాలకు చుట్టం చూపుల వచ్చావు. కడుపుతో ఉన్నప్పుడు కూడా ఇంట్లో లేవు అసలు ఏమైపోయావ్ భాగ్యమ్మ ఎక్కడికి వెళ్లావు అని దేవుడమ్మ అడగగా ఇంట్లోనే ఉన్నాను. మా రక్కు జ్ఞాపకాలు ఆ ఇంట్లోనే ఉన్నాయి. ఊర్లో వాళ్ళందరూ రుక్మిణి బతికే ఉందని అంటున్నారు. ఒకవేళ రుక్కు బతికుంటే ఆ ఇంటి దగ్గరికి వస్తుంది కదా. అందుకే దానికోసం ఎదురు చూస్తూ అక్కడే ఉన్నాను అని భాగ్యమా అంటుంది.
ఆ తర్వాత సీన్లో రుక్మిణి ఇంట్లో నుంచి బారసాలకు బయలుదేరుతుంది. ఈ లోగ ఎక్కడికి వెళ్తున్నావు అని మాధవ్ అడగగా నీకు చెప్పాల్సిన అవసరం లేదు అని అంటుంది.ఆ ఇంటికే కదా వెళ్తున్నావు అని మాధవ్ అంటాడు ఆ ఇంటికి కాదు నా ఇంటికి వెళ్తున్నాను నా నట్టింటికి వెళ్తున్నాను నీకు చెప్పాల్సిన అవసరం లేదు అని రుక్మిణి గట్టిగా అంటుంది. నువ్వు ఎక్కడికెళ్తున్నావో ముందే నాకు చెప్తే నీకు మంచిది,నాకు మంచిది అని మాధవ్ అనగా రుక్మిణి కోపంతో అక్కడ నుంచి వెళ్ళిపోతుంది. ఆదిత్య ఉన్నాడు అని ధైర్యంతో నువ్వు ఇలా మాట్లాడుతున్నావు మీ పొగరులు ఎలా తగ్గించాలి నాకు బాగా తెలుసు అని మాధవ్ అనుకుంటాడు.
ఇంతట్లో దేవి కుటుంబం అంతా కలిసి బారసాలు వేడుకలకు వస్తారు. అప్పుడు దేవుడమ్మ దేవితో నేను నీతో మాట్లాడను నువ్వు మీ అమ్మని తీసుకొస్తా అన్నావు కానీ కాలేదు అని అంటుంది. అప్పుడు దేవి నేను రమ్మనే అన్నాను కానీ అమ్మే రాను అని అంటుంది. ఇక్కడికే కాదు ఏ ఫంక్షన్ కి అమ్మరాదు అని బాధపడుతూ దేవి అంటుంది. ఆ తర్వాత అందరూ లోపలికి వెళ్తారు. అప్పుడు పంతులుగారు పాపని ఉయ్యాలలో పెట్టమని చెప్తారు. దేవుడమ్మ, సత్య ని ఆదిత్య నీ పాపను ఉయ్యాలలో పెట్టమంటే దేవి నేను పడతాను అని పాపని తీసుకొని ఉయ్యాలలో పెడుతుంది. అందరూ ఆనందిస్తారు రుక్మిణి ఒక చాటు నుంచి ఇదంతా చూస్తుంది. ఇంతట్లో పూజారి గారు దేవుడమ్మని ఆ పాపకి పేరు పెట్టమని చెప్తారు.
అప్పుడు దేవుడమ్మ పాప చెవిలో పేరు చెప్పబోతుండగా దేవి ఆ పాప పేరు ఏంటో నాకు చెప్పండి అని అంటుంది. ముందు పాపకి చెప్పిన తర్వాతే మీకు చెప్తాను అని దేవుడమ్మ అంటుంది.ఆ తర్వాత దేవుడమ్మ పాప చెవిలోకి రుక్మిణీ అని మూడుసార్లు అంటుంది. ఇంట్లో వాళ్ళందరూ పాపకి ఏం పేరు పెట్టారు అని అనగా మీకు నచ్చిన, పేరు నాకు నచ్చిన, పేరు ఇంట్లో ప్రతిరోజు వినబడబోయే పేరు మన రుక్మిణి పేరే పెట్టాను అని అంటుంది. ఇంట్లో వాళ్ళ అందరితో పాటు రుక్మిణి కూడా ఎంతో ఆనందంతో కళ్ళల్లో నీళ్లు తెచ్చుకుంటుంది. అప్పుడు కమల మంచి పేరు పెట్టారు అని అంటుంది.
రుక్మిణి రక్తమే ఈ పాపలో కూడా ఉన్నది కదా మీ అందరికీ నచ్చుతుందని పేరు పెట్టాను అని అంటుంది.ఇంతట్లో దేవి పాప దగ్గరికి వెళ్లి రుక్మిణి అని ఆడిస్తూ ఉంటుంది. ఈలోగా ఆదిత్య వాళ్ళందరూ నువ్వు మా ఇంటి బిడ్డవి ఇలాంటివన్నీ నువ్వే చేయాలి అని దేవిని పొగుడుతారు.అప్పుడు సత్య, అక్క అంటే మీకు ఎంత ఇష్టమో మరోసారి మీరు చూపించారు. అక్క ఇక్కడ ఉంటే ఎంతో ఆనంద పడుతూ ఉండేది అని అంటుంది .అంతట్లో ఆదిత్య ఒక మూల ఉన్న రుక్మిణి చూస్తాడు. ఇంతటితో ఎపిసోడ్ ముగుస్తుంది. తర్వాయి భాగంలో ఏం జరిగిందో తెలియాలంటే రేపటి వరకు ఎదురుచూడాల్సిందే!