ఫ్యాన్స్ పిచ్చెక్కిపోయే షాక్ ఇచ్చిన మహేష్, షర్ట్ విప్పేశాడుగా.. త్రివిక్రమ్ మూవీ కోసం కండలు, పిక్స్ వైరల్

సూపర్ స్టార్ మహేష్ బాబు త్వరలో త్రివిక్రమ్ దర్శకత్వంలో నటించేందుకు రెడీ అవుతున్నాడు. త్వరలో ఈ చిత్ర షూటింగ్ మొదలు కానుంది. ఇటీవలే ఈ చిత్రాన్ని వచ్చే ఏడాది సమ్మర్ కానుకగా ఏప్రిల్ 28న రిలీజ్ చేయనున్నట్లు అనౌన్స్ చేశారు. ఈ మూవీలో మహేష్ బాబు మాస్ గెటప్ లో కనిపించబోతున్నట్లుగా కూడా హింట్ ఇచ్చారు. దీనితో మహేష్ ఫ్యాన్స్ సంతోషానికి అవధులు లేకుండా పోయింది. 

ప్రస్తుతం మహేష్ బాబు తన లుక్ మార్చుకునే పనిలో ఉన్నట్లు తెలుస్తోంది. కొత్తగా  మహేష్ బియర్డ్ కూడా ట్రై చేస్తున్నాడు. మహేష్ సతీమణి నమ్రత తరచుగా సోషల్ మీడియాలో తన హస్బెండ్ ఫొటోస్ ని షేర్ చేయడం చూస్తూనే ఉన్నాం. తాజాగా ఆమె చేసిన మహేష్ ఫొటోస్ ఫ్యాన్స్ కి ఊహించని షాక్ ఇచ్చే విధంగా ఉన్నాయి. ఈ ఫొటోస్ లో మహేష్ ని చూసి అభిమానులు పిచ్చెక్కిపోవడం ఖాయం. 

మహేష్ షర్ట్ లేకుండా కనిపించడం చాలా అరుదు. ఈ ఫొటోస్ లో మహేష్ బాబు షర్ట్ లేకుండా తన బాడీ చూపిస్తూ స్విమింగ్ పూల్ లో ఉన్నాడు. మహేష్ బాడీ ఫిట్నెస్ చూస్తుంటే కండలు పెంచుతున్నట్లు అర్థం అవుతోంది. ఈ ఫొటోస్ లో మహేష్ అల్ట్రా స్టైలిష్ గా కనిపిస్తున్నాడు. 

నమ్రత ఈ పిక్స్ షేర్ చేయగానే సోషల్ మీడియాలో ఒక రేంజ్ లో రచ్చ షురూ అయింది. ఒక వేళ మహేష్ త్రివిక్రమ్ చిత్రంలో షర్ట్ లేకుండా కండలతో కనిపిస్తే స్క్రీన్ పగిలిపోవడం పక్కా అని ఫ్యాన్స్ అంటున్నారు. త్రివిక్రమ్ చిత్రం కోసం మహేష్ బాబు సిక్స్ ప్యాక్ లుక్ లో కూడా కనిపించనున్నట్లు అంచనా వేస్తున్నారు. 

త్రివిక్రమ్, మహేష్ కాంబినేషన్ లో గతంలో అతడు, ఖలేజా చిత్రాలు వచ్చాయి. ఈ రెండు చిత్రాల్లో మహేష్ బాబు క్లాస్ లుక్ లో కనిపించాడు. కానీ ఈ చిత్రంలో మాత్రం మహేష్ కి త్రివిక్రమ్ మాస్ లుక్ డిజైన్ చేశారట. మహేష్ లుక్ అభిమానులకు సూపర్ సర్ ప్రైజ్ గా ఉండబోతున్నట్లు తెలుస్తోంది. మహేష్ కి జోడిగా పూజా హెగ్డే నటిస్తోంది. ఈ కథలో మరో హీరోయిన్ కి కూడా ఆస్కారం ఉన్నట్లు తెలుస్తోంది. 

మహేష్ బాబు గత చిత్రం సర్కారు వారి పాట విజయం సాధించినప్పటికీ ఫ్యాన్స్ కి కంప్లీట్ జోష్ ఇవ్వలేకపోయింది. దీనితో త్రివిక్రమ్ మూవీతో సాలిడ్ గా కొట్టాలని మహేష్ భావిస్తున్నాడు. మహేష్ మాస్ లుక్, త్రివిక్రమ్ మ్యాజిక్ వర్కౌట్ అయితే బాక్సాఫీస్ బీభత్సమే.