బిగ్ బాస్ ఫేమ్ శివాజీ సోషల్ మీడియా వేదికగా చేసిన ఓ కామెంట్ వైరల్ అవుతుంది. టాలెంటెడ్ దర్శకుడితో కనిపించిన శివాజీ త్వరలో సర్ప్రైజ్ అంటూ హింట్ ఇచ్చాడు. మరి ఆ పోస్ట్ సారాంశం ఏమిటో చూద్దాం...
నటుడు శివాజీ సడన్ గా చిత్ర పరిశ్రమకు దూరం అయ్యాడు. కొన్నాళ్ళు పొలిటికల్ కామెంట్స్ తో వార్తల్లో నిలిచాడు. మొదట్లో ఆయన చంద్రబాబు, మోడీ మీద విమర్శలు చేశాడు. అనంతరం చంద్రబాబుకు దగ్గరయ్యాడు. టీడీపీ సభల్లో ప్రసంగాలు ఇచ్చాడు. మళ్ళీ ఏమైందో తెలియదు టీడీపీకి దూరంగా ఉంటున్నారు.
శివాజీ సడన్ గా బిగ్ బాస్ షోలో దర్శనం ఇచ్చాడు. శివాజీ బిగ్ బాస్ కి వస్తాడని ఎవరూ ఊహించలేదు. కూల్ గా గేమ్ ఆడుతూ శివాజీ మెచ్యూరిటీ చూపించాడు.ఒక దశలో టైటిల్ ఫేవరేట్ గా ప్రచారం అయ్యాడు. పల్లవి ప్రశాంత్, అమర్ దీప్ చివరి వారాల్లో శివాజీని అధిగమించారు.
శివాజీ టాప్ 3లో నిలిచాడు. నటుడిగా శివాజీ సెకండ్ ఇన్నింగ్స్ స్టార్ట్ చేసిన సంగతి తెలిసిందే. ఆయన నటించిన నైంటీస్ వెబ్ సిరీస్ ఈటీవీ విన్ లో స్ట్రీమ్ అవుతుంది. మిడిల్ క్లాస్ ఫ్యామిలీ గురించి తెరకెక్కించిన కామెడీ, ఎమోషనల్ ఎంటర్టైనర్ ఆకట్టుకుంది.
శివాజీ కొత్త ప్రాజెక్ట్స్ కి సైన్ చేస్తున్నారని సమాచారం. ఈ క్రమంలో శివాజీ సోషల్ మీడియా పోస్ట్ వైరల్ గా మారింది. దర్శకుడు తరుణ్ భాస్కర్ తో శివాజీ కనిపించాడు. ఆ ఫోటోకి త్వరలో సర్ప్రైజ్ అని క్యాప్షన్ ఇచ్చాడు. ఇది నెటిజెన్స్ ని ఆకర్షించింది. శివాజీ, తరుణ్ భాస్కర్ క్రికెట్ ప్రాక్టీస్ చేస్తున్నారు. ఏదైనా సినిమా లేదా వెబ్ సిరీస్లో భాగంగా వీరిద్దరూ కలిశారా? లేక సెలబ్రిటీ క్రికెట్ లీగ్ కోసం ప్రాక్టీస్ చేస్తున్నారా? అనే సందేహాలు నెటిజెన్స్ వ్యక్తం చేస్తున్నారు.
కారణం ఏమిటనేది శివాజీ వెల్లడించాల్సి ఉంది. మరి ఆయన చెప్పే వరకు మనం వెయిట్ చేయడమే. మరోవైపు శివాజీ పల్లవి ప్రశాంత్ తో పాటు పేద రైతులకు ఆర్థిక సహాయం చేస్తున్నాడు. పల్లవి ప్రశాంత్ బిగ్ బాస్ షోలో గెలిచిన ప్రైజ్ మనీ పేద రైతులకు పంచుతానని హామీ ఇచ్చిన విషయం తెలిసిందే..
ఇటీవల తల్లిదండ్రులు కోల్పోయిన ఇద్దరు చిన్నారులకు పల్లవి ప్రశాంత్ రూ. 1 లక్ష ఇచ్చాడు. అలాగే సంవత్సరానికి సరిపడా బియ్యం సహాయం చేశాడు. ఆట సందీప్ సైతం తన వంతు సహాయం చేశాడు. రూ. 25 వేలు పిల్లలకు ఇవ్వడమైంది. పల్లవి ప్రశాంత్ మాట నిలబెట్టుకున్నాడనే కామెంట్స్ వినిపిస్తున్నాయి...