విజయ్ దళపతి సినిమాలో శివకార్తికేయన్..! మల్టీ స్టారర్ చేస్తున్నారా..?

తమిళ నేచురల్ స్టార్ శివకార్తికేయన్.. స్టార్ హీరో విజయ్ దళపతి ఈ ఇద్దరి కాంబినేషన్ లో సినిమా రాబోతుందని తెలుసా..? ఇంతకీ విషయం ఏంటంటే..?   

తెలుగు పరిశ్రమకు నేచురల్ స్టార్ నాని అయితే.. తమిళ ఇండస్ట్రీ నేచురల్ స్టార్ శివకార్తికేయన్. ఇక కోలీవుడ్ లో స్టార్ హీరోగా వెలుగొందుతున్న విజయ్ దళపతి కాంబినేషన్ లో సినిమా వస్తే ఎలా ఉంటుంది. ఫ్యాన్స్ కు పండగే కదా. తెలుగులో కూడా ఈ ఇద్దరు హీరోలకు మంచి ఫాలోయింగ్ ఉంది. కాగా వీరి కాంబోలో సినిమా గురించి ప్రస్తుతం హాట్ టాపిక్ నడుస్తోంది. 

GOAT

వెంకట్ ప్రభు దర్శకత్వంలో విజయ్ దళపతి నటిస్తున్న చిత్రం గోట్.  ఈ సినిమాలో  నటుడు విజయ్ సరసన మీనాక్షి చెల్లాత్రి హీరోయిన్ గా నటిస్తోంది. స్నేహ, లైలా, ప్రశాంత్, ప్రభుదేవా, మోహన్, అజ్మల్, నితిన్ సత్య, ప్రేమ్ జీ టాంటి స్టార్ స్టార్స్ ఈసినిమాలో ముఖ్యమైన పాత్రల్లో కనిపించబోతున్నారు.  యువన్ శంకర్ రాజా సంగీతం సమకూరుస్తున్న ఈసినిమా మా షూటింగ్ చివరి దశకు చేరుకుంది.

గోట్  సినిమాలో దళపతి విజయ్‌ ద్విపాత్రాభినయం చేస్తున్నారు. అందులో ఒక చిన్న పాత్ర కావడంతో విజయ్ ని యంగ్ గా కనిపించేలా డీ ఏజింగ్ టెక్నాలజీని ఉపయోగించబోతున్నారు. దీనికి సంబంధించిన కసరత్తులు అమెరికాలో జరుగుతున్నాయి. కాగా ఈసినిమాను  సెప్టెంబర్ 5న ప్రపంచ వ్యాప్తంగా  థియేటర్లలోకి తీసుకురాబోతున్నారు. కాగా ఈ సినిమాకు సంబంధించిన అప్‌డేట్‌లు ఒక్కొక్కటిగా బయటకు వస్తున్నాయి.

ఇక తాజాగా రిలీజ్ అయిన సమాచారం ప్రకారం హీరో శివకార్తికేయన్ కూడా కోడ్‌లో అతిధి పాత్రలో నటించారట. అయితే ఈ విషయంలో అఫీషియల్ అనౌన్స్ మెంట్ మాత్రం రాలేదు కాని.. ఫ్యాన్స్ కు సర్ ప్రైజ్ ప్లాన్ చేసినట్టు సమాచారం. ఒకవేళ ఈ విషయం  కన్ఫర్మ్ అయితే, నటుడు విజయ్‌తో శివకార్తికేయన్‌కి ఇదే మొదటి సినిమా అవుతుంది.  

గోట్ డైరెక్టర్ వెంకట్ ప్రభు దర్శకత్వంలో శివకార్తికేయన్ తదుపరి చిత్రంలో హీరోగా నటించబోతున్నాడన్న విషయం తెలిసిందే. ఇక  ఈ విషయంలో అధికారిక ప్రకటన వస్తుందా లేదా చూడాలి. తాజాగా రిలీజ్ అయిన మొదటి సింగిల్ సాంగ్ కు మిక్స్  రెస్పాన్స్ వచ్చింది. ఈ సాంగ్ ను సాక్ష్యాత్తు విజయ్ పాడినా.. జనాలను ఆకట్టుకోలేకపోయింది. కాగా అభిమానులు ఈసినిమా నుంచి సాలిడ్ అప్ డేట్ కోసం ఎదరు చూస్తున్నారు ఫ్యాన్స్. అందుకు తగ్గట్టుగానే ఈ సినిమాలో కొందరు చెన్నై సూపర్ కింగ్స్ జట్టు ఆటగాళ్లు అతిధి పాత్రల్లో నటించారని అంటున్నారు.