లేడీ డైరెక్టర్ పై పరువు నష్టం దావా!

కోలీవుడ్ లేడీ డైరెక్టర్ లీనా మణిమేకలై మరో దర్శకుడు సుశీ గనేషన్ పై లైంగిక ఆరోపణలు చేసింది. కారులో లిఫ్ట్ ఇచ్చి మరీ ఆమెతో అసభ్యంగా ప్రవర్తించాడని ఆమె సోషల్ మీడియా వేదికగా చేసిన కామెంట్స్ వైరల్ అయ్యాయి.

ఈ క్రమంలో సుశీ గనేషన్ స్పందిస్తూ.. లీనా కావాలనే ఇదంతా చేస్తుందని ఆమె ఆరోపణలను ఖండించారు. ఈ విషయంలో హీరో సిద్ధార్థ్.. లీనాకి సపోర్ట్ చేస్తూ మాట్లాడడంతో సుశీ గనేషన్ అతడిని బెదిరించాడు. సిద్ధార్థ్ ఈ విషయాన్ని వెల్లడిస్తూ సుశీ గనేషన్ గురించి ఇప్పటికైనా తెలుసుకోండి అంటూ ట్వీట్ చేశాడు.

తన ఇమేజ్ కి డ్యామేజ్ జరగడంతో సుశీ గనేషన్ ఇప్పుడు లీగల్ గా ప్రొసీడ్ అవుతున్నాడు. తన పేరు, ప్రతిష్టలకు భంగం కలిగించే విధంగా ప్రవర్తిస్తుండం సెయింట్ థామస్ మౌంట్ అసిస్టెంట్ కమీషనర్ కి దర్శకురాలు లీనా మణిమేకలపై ఫిర్యాదు చేశారు.

ఎలాంటి ఆధారాలు లేకుండా తనపై ఆరోపణలు చేస్తోన్న లీనాపై చట్టపరమైన చర్యలు తీసుకోవాలని కోరారు. తాజాగా స్థానిక సైదాపేట మెట్రోపాలిటన్ కోర్టులో ఆమెపై పరువు నష్టం దావా వేశారు. అందులో దర్శకురాలు లీనా చేసిన వ్యాఖ్యలు తనను మనోవేదనని గురిచేశాయని పేర్కొన్నారు. ఆయన పిటిషన్ స్వీకరించిన కోర్టు ఈ నెల 22న విచారణ జరపనుంది.  

ఇవి కూడా చదవండి..