కన్నీరుమున్నీరవుతున్న కృష్ణ!

ప్రముఖ నటి, దర్శకురాలు విజయనిర్మల మరణించడంతో కృష్ణ కుటుంబం శోక సంద్రంలో మునిగిపోయింది. గత కొంతకాలంగా అనారోగ్యంతో బాధ పడుతున్న విజయనిర్మల బుధవారం అర్ధరాత్రి కన్నుమూసిన సంగతి తెలిసిందే.

దీంతో హాస్పిటల్ నుండి ఆమె భౌతికకాయాన్ని నానక్ రామ్ గూడలోని ఇంటికి తీసుకొచ్చారు. ఇంటికి చేరిన విజయనిర్మల పార్థివదేహాన్ని చూసిన కృష్ణ కన్నీరుమున్నీరుగా విలపించారు. కృష్ణ శోకాన్ని ఆపడం బంధు బలగానికి కష్టంగా వుంది.

కుటుంబసభ్యులతో పాటు సినీ ప్రముఖులు విజయనిర్మల భౌతికకాయానికి నివాళులు అర్పించడానికి తరలివస్తున్నారు. రోజు మొత్తం అభిమానుల సందర్శన కోసం పార్థివదేహాన్ని కృష్ణ నివాసంలోనే ఉంచి శుక్రవారం ఉదయం ఫిలిం ఛాంబర్ కి తరలిస్తారు. ఆ తరువాత ఆమెకి అంత్యక్రియలు నిర్వహించనున్నారు.