వంగవీటి రాధాకు గేలం వేస్తున్న టీడీపీ

వంగవీటి రాధాకృష్ణ వైఎస్ఆర్ కాంగ్రెస్ పార్టీకి రాజీనామా చెయ్యడంపై అధికార తెలుగుదేశం పార్టీ స్పందించింది. వైఎస్ఆర్ కాంగ్రెస్ పార్టీలో ఆ పార్టీ అధినేత వైఎస్ జగన్ వైఖరి నచ్చక మరింతమంది పార్టీ వీడతారంటూ ఎమ్మెల్సీ బుద్దా వెంకన్న అభిప్రాయపడ్డారు.   

అమరావతి: వంగవీటి రాధాకృష్ణ వైఎస్ఆర్ కాంగ్రెస్ పార్టీకి రాజీనామా చెయ్యడంపై అధికార తెలుగుదేశం పార్టీ స్పందించింది. వైఎస్ఆర్ కాంగ్రెస్ పార్టీలో ఆ పార్టీ అధినేత వైఎస్ జగన్ వైఖరి నచ్చక మరింతమంది పార్టీ వీడతారంటూ ఎమ్మెల్సీ బుద్దా వెంకన్న అభిప్రాయపడ్డారు. 

వైసీపీలో జగన్ చెప్పిందే వేదమని ఎవరి మాట వినరని అందువల్ల ఆ హింస భరించలేక చాలా మంది బయటకు వస్తున్నట్లు తెలిపారు. వంగవీటి రాధాకృష్ణను తెలుగుదేశం పార్టీ ఆహ్వానిస్తుందని స్పష్టం చేశారు. 

అయితే రాధా తెలుగుదేశం పార్టీలోకి వస్తారన్న సమాచారం లేదన్నారు. వంగవీటి రాధాకృష్ణకు, దేవినేని కుటుంబాల మధ్య ఎలాంటి గొడవలు లేవని అంతా ప్రశాంతంగా ఉందన్నారు. రాధాకృష్ణకు తాను వెలకమ్ చెప్తున్నట్లు బుద్దా వెంకన్న స్పష్టం చేశారు.

ఈ వార్తలు కూడా చదవండి