ఆ విషయం తేలాల్సిందే: జగన్ మీద దాడిపై మోహన్ బాబు

వైసీపీ అధినేత ప్రతిపక్ష నేత వైఎస్ జగన్ పై దాడిని సినీనటుడు నిర్మాత మంచు మోహన్ బాబు ఖండించారు. జగన్ పై దాడి దుర్మార్గపు చర్య అంటూ అభిప్రాయపడ్డారు. పెన్ను కూడా తీసుకెళ్లలేని విమానాశ్రయంలోకి కత్తితీసుకెళ్లడం సామాన్యమైన విషయం కాదన్నారు. 

తిరుపతి:వైసీపీ అధినేత ప్రతిపక్ష నేత వైఎస్ జగన్ పై దాడిని సినీనటుడు,నిర్మాత మంచు మోహన్ బాబు ఖండించారు. జగన్ పై దాడి దుర్మార్గపు చర్య అంటూ అభిప్రాయపడ్డారు. పెన్ను కూడా తీసుకెళ్లలేని విమానాశ్రయంలోకి కత్తి తీసుకెళ్లడం సామాన్యమైన విషయం కాదన్నారు. నిందితుడిని హత్య చెయ్యాలని ఎవరైనా ప్రోత్సహించారా అనే కోణంలో విచారించాలని ఆయన గురువారం డిమాండ్ చేశారు. ఆ విషయం తేలాల్సిన అవసరం ఉందని ఆయన అన్నారు. 

తాను రాజకీయాలకు సంబంధం లేని వ్యక్తినని మోహన్ బాబు చెప్పుకొచ్చారు. అయితే ఒక సినీ నిర్మాతగా, నటుడిగా బాధ్యతగల పౌరుడిగా ఇలాంటి ఘటనలపై స్పందించాల్సిన అవసరం ఉందన్నారు. ఇలాంటి దాడులు జరుగుతున్నప్పుడు మడికట్టుకుని ఇంట్లో కూర్చోలేనని తెలిపారు. 

ప్రజల సంక్షేమం కోసం రాష్ట్రంలో దాదాపు మూడు వేలకు పైగా పాదయాత్ర చేస్తున్న వ్యక్తి జగన్ అని మోహన్ బాబు కొనియాడారు. ఆయన త్వరగా కోలుకోవాలని ఆ భగవంతుడిని కోరుకుంటున్నట్లు తెలిపారు. అయితే ఈ ఘటనపై లోతైన దర్యాప్తు జరపాలని డిమాండ్ చేశారు. 

ఈ వార్తలు కూడా చదవండి