అరకు ఘటన: అక్కడే నెల రోజులుగా మావోల శిక్షణ

అరకు ఎమ్మెల్యే సర్వేశ్వరరావు, మాజీ ఎమ్మెల్యే సోమ హత్య తర్వాత మావోలకు సంబంధించిన  సమాచారాన్ని పోలీసులు సేకరించారు. 

అరకు:అరకు ఎమ్మెల్యే సర్వేశ్వరరావు, మాజీ ఎమ్మెల్యే సోమ హత్య తర్వాత మావోలకు సంబంధించిన  సమాచారాన్ని పోలీసులు సేకరించారు.  ఈ ప్రాంతంలోనే కొంతకాలంగా మావోలు శిక్షణ శిబిరాలను నిర్వహించినట్టుగా పోలీసులు గుర్తించారు.

అరకు ఎమ్మెల్యే కిడారి సర్వేశ్వరరావు, మాజీ ఎమ్మెల్యే సివిరి సోమలపై  మావోయిస్టులు  సెప్టెంబర్ 23వ తేదీన కాల్చి చంపిన విషయం తెలిసిందే. అయితే కొంతకాలంగా ఇదే ప్రాంతాన్ని కేంద్రంగా చేసుకొని మావోయిస్టులు శిక్షణ పొందారని సమాచారం.

దాడులు చేసిన తర్వాత ఏ రకంగా తప్పించుకోవచ్చనే విషయమై మావోయిస్టులు దాడి శిక్షణ పొందారని పోలీసులు గుర్తించారు.  నెల రోజుల పాటు ఈ పరిసర ప్రాంతాల్లోనే మావోయిస్టులు శిక్షణ తీసుకొన్నట్టుగా ప్రచారం సాగుతోంది. 

అయితే నెల రోజులుగా మావోలు ఈ ప్రాంతంలో శిక్షణ తీసుకొంటున్న విషయం బయటకు మాత్రం పొక్కలేదు. అంతేకాదు ఎమ్మెల్యే సర్వేశ్వరరావు, మాజీ ఎమ్మెల్యే సోమపై దాడికి పాల్పడిన ప్రాంతం తప్పించుకోవడానికి వీల్లేకుండా ఉంది. అన్నింటికి అనువైన ప్రాంతంగా ఉందని భావించి ఈ ప్రాంతాన్ని మావోలు ఎంచుకొన్నారని పోలీసులు గుర్తించారు.

సంబంధిత వార్తలు