అరకు ఘటన: లివిటిపుట్టునే మావోలు ఎందుకు ఎంచుకొన్నారంటే?

అరకు ఎమ్మెల్యే కిడారి సర్వేశ్వరరావుతో పాటు  మాజీ ఎమ్మెల్యే  సివిరి సోమ హత్య చేసేందుకు మూడు ప్రాంతాలను ఎంపిక చేసుకొన్నట్టుగా  పోలీసులు అనుమానాలు వ్యక్తం చేస్తున్నారు.

అరకు:అరకు ఎమ్మెల్యే కిడారి సర్వేశ్వరరావుతో పాటు  మాజీ ఎమ్మెల్యే  సివిరి సోమ హత్య చేసేందుకు మూడు ప్రాంతాలను ఎంపిక చేసుకొన్నట్టుగా  పోలీసులు అనుమానాలు వ్యక్తం చేస్తున్నారు. లివిటిపుట్టు ప్రాంతంతో పాటు మరో రెండు సినిమాలను కూడ  మావోలు ఎంపిక చేసుకొన్నారని  పోలీసులు గుర్తించారు. 

అరకు ఎమ్మెల్యే  కిడారి సర్వేశ్వరరావు, మాజీ ఎమ్మెల్యే సోమను ఆదివారం నాడు మావోయిస్టులు  లివిటిపుట్టు ప్రాంతంలో కాల్చి చంపారు.  అయితే  ఈ ప్రాంతంలోనే  మావోలు  మూడు రోజులుగా  ఎమ్మెల్యే కోసం మకాం వేసినట్టుగా  పోలీసులు అనుమానిస్తున్నారు. 

ఒడిశా రాష్ట్రానికి సరిహద్దులో ఉన్న  ముంచంగిపుట్టు, పెదబయలు, జి.మాడ్గుల, చింతపల్లి, జీకేవీధి మండలాల్లో మావోయిస్టుల ప్రాబల్యం ఎక్కువగా ఉంటుంది. ఈ ప్రాంతాల్లో మావోల కోసం పోలీసుల గాలింపు కూడ ఎక్కువగానే ఉంటుంది. 

దరిమిలా మావోలు వ్యూహాత్మకంగా డుబ్రీగుంట ప్రాంతాన్ని ఎంచుకొన్నారని పోలీసులు అనుమానిస్తున్నారు. లివిటిపుట్టుతో పాటు గంటసీమ, కండ్రూం ప్రాంతాల్లో కూడ  ఎమ్మెల్యేపై దాడికి మావోలు అనువైన ప్రాంతాలను ఎంపిక చేసుకొన్నారు.లివిటిపుట్టు ప్రాంతంలో  కాపు కాసిన మావోలకు అరకిలోమీటరు దూరం నుండే  వాహనాలు కన్పిస్తాయి. దీంతో సర్వేశ్వరరావుతో పాటు సివిరి సోమలను  మావోలు హత్య చేశారు. 

సంబంధిత వార్తలు