గోదావరిలో బోటు ప్రమాదం: మరో మృతదేహం లభ్యం

గోదావరిలో బోటు ప్రమాదంలో గల్లంతైన వారిలో మరొకరి మృతదేహం లభ్యమైంది. సింగనపల్లి వద్ద గాలింపు చర్యలు చేస్తున్న సహాయక సిబ్బందికి మృతదేహం కనిపించడంతో దానిని వారు ఒడ్డుకు తీసుకొచ్చారు.

దీంతో ఇప్పటి వరకు 37 మృతదేహాలు లభ్యంకాగా... మరో 14 మంది ఆచూకీ దొరకాల్సి వుంది. ప్రమాద సమయంలో బోటులో మొత్తం 77 మంది ఉండగా.. 26 మంది సురక్షితంగా బయటపడ్డారు. గ

త ఆదివారం ప్రయాణికులతో వెళుతున్న పర్యాటక బోటు దేవిపట్నం మండలం కచ్చులూరు వద్ద గోదావరిలో బొల్తా పడింది. అప్పటి నుంచి నేటి వరకు గల్లంతైన వారి కోసం ఎన్డీఆర్ఎఫ్, ఎస్డీఆర్ఎఫ్, నేవి సిబ్బంది గోదావరిని జల్లెడపడుతున్నారు.

ప్రమాదానికి కారణమైన బోటు నదీగర్భంలో సుమారు 300 అడుగుల లోతున ఉన్నట్టు సహాయక బృందాలు భావిస్తున్నాయి. అందులోని ఏసీ క్యాబిన్‌లో మరింత మంది ప్రయాణికుల మృతదేహాలు ఉండవచ్చని భావిస్తున్నారు. 

బోటు ప్రమాద నిందితుల అరెస్ట్: ముగ్గురిని మీడియా ముందు ప్రవేశపెట్టిన పోలీసులు