సాయంత్రం 5 గంటలకు శివప్రసాద్ అంత్యక్రియలు: పాల్గొననున్న చంద్రబాబు

టీడీపీ సీనియర్ నేత, మాజీ ఎంపీ ఎన్ శివప్రసాద్ అంత్యక్రియలు ఆదివారం సాయంత్రం 5 గంటలకు జరగనున్నాయి. చిత్తూరు జిల్లా ఐతేపల్లి సమీపంలోని అరగాలలో ఆయన అంత్యక్రియలు నిర్వహిస్తున్నట్లు కుటుంబసభ్యులు తెలిపారు.

ప్రస్తుతం ప్రజలు, కార్యకర్తల సందర్శనార్ధం ఆయన పార్థీవ దేహాన్ని తిరుపతిలోని శివప్రసాద్ నివాసంలో ఉంచారు. సాయంత్రం 4 గంటలకు ఆయన అంతిమయాత్ర ప్రారంభమవుతుంది.

శివప్రసాద్ అంతిమయాత్రలో ప్రతిపక్షనేత, టీడీపీ అధినేత చంద్రబాబు నాయుడు పాల్గొంటారు. గత కొంతకాలంగా కిడ్నీ సంబంధిత అనారోగ్యంతో బాధపడుతున్న ఆయన చెన్నై అపోలోలో చికిత్స పొందుతూ శనివారం మధ్యాహ్నం కన్నుమూశారు.