ధర్మాబాద్ కోర్టుకు గైర్హాజరు: చంద్రబాబు నిర్ణయం

తమ ముందు హాజరు కావాల్సిందేనని ధర్మాబాద్ కోర్టు చంద్రబాబును ఆదేశించిన విషయం తెలిసిందే. అడ్వొకేట్ జనరల్ తోనూ, సీనియర్ మంత్రులతోనూ ఆయన శనివారం సమావేశమయ్యారు. ధర్మాబాద్ కోర్టుకు హాజరు కావాలా, వద్దా అనే విషయంపై సుదీర్ఘంగా చర్చించారు.

అమరావతి: ధర్మాబాద్ కోర్టుకు హాజరు కాకూడదని ఆంధ్రప్రదేశ్ ముఖ్యమంత్రి నారా చంద్రబాబు నాయుడు హాజరు కాకూడదని నిర్ణయించుకున్నారు. తమ ముందు హాజరు కావాల్సిందేనని ధర్మాబాద్ కోర్టు చంద్రబాబును ఆదేశించిన విషయం తెలిసిందే. అడ్వొకేట్ జనరల్ తోనూ, సీనియర్ మంత్రులతోనూ ఆయన శనివారం సమావేశమయ్యారు. 

ధర్మాబాద్ కోర్టుకు హాజరు కావాలా, వద్దా అనే విషయంపై సుదీర్ఘంగా చర్చించారు. హాజరు కాకూడదని కొంత మంది మంత్రులు అభిప్రాయపడగా, ర్యాలీగా వెళ్దామని మరికొంత మంది సూచించారు. అయితే, కోర్టుకు హాజరు కాకూడదనే చివరగా చంద్రబాబు నిర్ణయం తీసుకున్నారు. 

ధర్మాబాద్ కోర్టులో రీకాల్ పిటిషన్ వేయాలని ఆయన నిర్ణయించుకున్నారు. మంత్రులు కళా వెంకట్రావు, యనమల, అచ్చెన్నాయుడు, నారాయణ, నక్కా ఆనందబాబు, అమర్నాథ్‌రెడ్డి, ఎంపీ కనకమేడల ఈ సమావేశానికి హాజరయ్యారు.

సంబంధిత వార్తలు