Andhra Pradesh

హైదరాబాద్ విషయంలో జరిగిన తప్పిదం మరోసారి జరగొద్దు : పురంధేశ్వరి

By Nagaraju penumalaFirst Published Aug 30, 2019, 4:03 PM IST

Highlights

హైదరాబాద్‌ విషయంలో జరిగిన తప్పిదం మరోసారి జరగకూడదని సూచించారు. కడప జిల్లాలో పర్యటించిన పురంధేశ్వరి అభివృద్ధి వికేంద్రీకరణ చాలా అవసరమని చెప్పుకొచ్చారు. 

కడప: అమరావతి రాజధానిపై కీలక వ్యాఖ్యలు చేశారు బీజేపీ మహిళామోర్చా అధ్యక్షురాలు పురంధేశ్వరి. హైదరాబాద్‌ విషయంలో జరిగిన తప్పిదం మరోసారి జరగకూడదని సూచించారు. కడప జిల్లాలో పర్యటించిన పురంధేశ్వరి అభివృద్ధి వికేంద్రీకరణ చాలా అవసరమని చెప్పుకొచ్చారు. 

ఏపీ సీఎం వైయస్ జగన్ సైతం అభివృద్ధి వికేంద్రీకరణ జరగాల్సిందేనని చెప్తున్నారు. తాజాగా పురంధేశ్వరి చేసిన వ్యాఖ్యలు జగన్ నిర్ణయాలకు పరోక్షంగా మద్దతు పలికినట్లు అయ్యింది. ఏపీలో బలమైన శక్తిగా బీజేపీ ఎదగడం ఖాయమని పురంధేశ్వరి ఆశాభావం వ్యక్తం చేశారు. 

బీజేపీకి దేశవ్యాప్తంగా పోటీ ఇవ్వగలిగే పార్టీ కాంగ్రెస్ అని అయితే అది కూడా ప్రస్తుతం సంక్షోభంలో ఉందన్నారు. రాహుల్ అధ్యక్ష పదవి నుంచి తప్పుకుంటే వయోభారంతో బాధపడుతున్న సోనియాగాంధీని పార్టీ అధ్యక్షురాలిగా ఎన్నుకున్నారంటూ ఎద్దేవా చేశారు.

ఈ సందర్బంగా గత ప్రభుత్వంపై విమర్శలు చేశారు. వెనుకబడిన ప్రాంతాల అభివృద్ధికి కేంద్ర ప్రభుత్వం ఏటా నియోజకవర్గానికి రూ.50 కోట్లు ఇచ్చిందని తెలిపారు. అయితే తెలుగుదేశం ప్రభుత్వం ఆ నిధులను పక్కదారి పట్టించిందని ఆగ్రహం వ్యక్తం చేశారు.  

ఆ నిధులను రాబట్టేందుకు రాష్ట్ర ప్రభుత్వం కృషి చేయాలని సూచించారు. రాజధాని నిర్మాణం అంశం రాష్ట్ర ప్రభుత్వానిదేనని పురంధేశ్వరి చెప్పుకొచ్చారు. నిధులు ఖర్చు చేశాక రాజధాని మార్పు చేయాలనుకోవడం భావ్యం కాదని స్పష్టం చేశారు.

ఈ వార్తలు కూడా చదవండి

tags

• daggubati purandeswari
• bjp
• chandrababu
• amaravathi
• tdp

Related Posts

ల్యాండ్ టైటిలింగ్ యాక్ట్ తో రైతులకు అసలైన భరోసా.. ప్రతిపక్షాలు అసత్య ప్రచారం చేస్తున్నాయా ?

''వైఎస్ జగన్ కే ఉద్యోగుల సపోర్ట్ … పోస్టల్ బ్యాలట్స్ లో ఫ్యాన్ హవా''

జగనన్నా... ఓసారి నీ ముఖం ఈ అద్దంలో చూసుకో..: షర్మిల పరువు తీస్తోందిగా..!

జగన్ చేసే ప్రతిపనికీ చంద్ర‌బాబు మోకాలడ్డు..

'పాతికేళ్ల క్రితం ఇచ్చిన కోటి ఉద్యోగాల హామీ ఏమైంది?': చంద్రబాబుపై వైసీపీ దాడి..

Read More