`భైరవం` మూవీపై `ఖలేజా` దెబ్బ.. మంచు మనోజ్‌, నారా రోహిత్, బెల్లంకొండ నటించిన సినిమా ఎంత రాబట్టిందంటే?

మంచు మనోజ్‌, నారా రోహిత్‌, బెల్లంకొండ సాయి శ్రీనివాస్‌ కలిసి నటించిన `భైరవం` మూవీ శుక్రవారం విడుదలైంది. ఈ చిత్రం మొదటి రోజు ఎంత వసూలు చేసిందంటే?

bhairavam movie

Image Credit: x/movie production

మంచు మనోజ్‌, నారా రోహిత్‌, బెల్లంకొండ సాయి శ్రీనివాస్‌ కలిసి నటించిన మూవీ `భైరవం`. ముగ్గురు హీరోలు కలిసి నటించిన ఈ మూవీపై ప్రత్యేకమైన బజ్‌ ఏర్పడింది. విజయ్ కనకమేడల దర్శకత్వం వహించిన ఈ సినిమాని కెకె రాధామోహన్‌ నిర్మించారు.

 ఇందులో ఆనంది, దివ్య పిళ్లై, అదితి శంకర్ హీరోయిన్లుగా నటించారు. జయసుధ కీలక పాత్రలో నటించింది. శుక్రవారం విడుదలైన ఈ మూవీకి మిశ్రమ స్పందన లభించింది.

`భైరవం`లో ముగ్గరు హీరోల ఎలివేషన్లు, హీరోయిజంకి ప్రయారిటీ

మాస్‌ ఎలిమెంట్లు, ముగ్గురు హీరోల హీరోయిజం, ఎలివేషన్లు, స్నేహం, సెంటిమెంట్‌, ఎమోషన్స్, లవ్‌, వంటి అంశాల మేళవింపుగా ఈ చిత్రాన్ని రూపొందించారు దర్శకుడు విజయ్‌ కనకమేడల. ఇది తమిళంలో వచ్చిన `గరుడన్‌` చిత్రానికి రీమేక్‌. 

తెలుగులో మాస్‌, యాక్షన్‌ అంశాలకు ప్రయారిటీ ఇచ్చారు. హీరోయిజం పెంచారు. ఫ్రెష్‌గా చూసిన వారికి బాగానే నచ్చుతుంది. ఆల్‌రెడీ తమిళంలో చూస్తే దానితో పోల్చితే ఆ స్థాయిలో లేదనే టాక్‌ వినిపిస్తుంది.

`భైరవం` మూవీ ఫస్ట్ డే కలెక్షన్లు

ఇక శుక్రవారం విడుదలైన `భైరవం` మూవీకి మిశ్రమ స్పందన లభించినా మంచి వసూళ్లని రాబట్టింది. ఈ చిత్రం తొలి రోజు రూ.3.60 కోట్లు(గ్రాస్‌) రాబట్టింది. రెండు కోట్ల షేర్‌ వచ్చింది. 

ఈ చిత్రం నైజాంలో రూ.65లక్షలు, సీడెడ్‌లో రూ.25 లక్షలు, ఆంధ్రాలో రూ.75 లక్షలు వసూలు చేసి.. ఏపీ, తెలంగాణలో 1.65కోట్ల షేర్‌ని, 2.75కోట్ల గ్రాస్ ని రాబట్టింది. ఇతర ఇండియా మొత్తం, ఓవర్సీస్‌లో కలిపి మరో కోటీ వరకు గ్రాస్‌ వచ్చినట్టు తెలుస్తుంది.

`భైరవం` సినిమాపై మహేష్‌ `ఖలేజా` దెబ్బ

అయితే ముగ్గురు హీరోలు కలిసి నటించిన మూవీ కావడంతో చాలా అంచనాలే ఉన్నాయి. కానీ వాటిని అందుకోవడంలో సక్సెస్‌ కాలేకపోయింది. ఈ మూవీకి మరో రూపంలో గట్టి దెబ్బ పడింది. మహేష్‌ బాబు చావు దెబ్బ కొట్టాడని చెప్పొచ్చు. 

మహేష్‌ బాబు నటించిన `ఖలేజా` మూవీని శుక్రవారం రీ రిలీజ్‌ చేసిన విషయం తెలిసిందే. దీనికి విశేష స్పందన లభించింది. మహేష్‌ ఫ్యాన్స్, యూత్‌ అంతా ఈ మూవీని ఎగబడి చూశారు. 

ఏ, బీ సెంటర్లలో చాలా వరకు `ఖలేజా` సినిమానే ఆక్యుపై చేసింది. దీంతో శుక్రవారం విడుదలైన సినిమాలపై ఇది చాలా ప్రభావం చూపించింది. 

కేవలం `భైరవం` సినిమాపైనే కాదు, ఇతర చిత్రాలపై కూడా `ఖలేజా` దెబ్బ గట్టిగానే ఉందని చెప్పొచ్చు. ఈ మూవీ ఒక్కరోజే ఏకంగా ఎనిమిదన్నర కోట్లు వసూలు చేసి సరికొత్త రికార్డు క్రియేట్‌ చేయడం విశేషం.