మహబూబాబాద్లో ఉద్రిక్తత: పోలీసులపై రాళ్లతో దాడి, గాయాలు
మహబూబాబాద్లో బుధవారం నాడు ఉద్రిక్తత నెలకొంది. స్థానికులు పోలీసులపై రాళ్లతో దాడికి దిగారు. ఇళ్ల నిర్మాణాలను కూల్చివేతకు నిరసనగా ఈ దాడి జరిగింది.
Followమహబూబాబాద్:అసైన్డ్ భూముల్లో నిర్మాణాల కూల్చివేత సమయంలో ఉమ్మడి వరంగల్ జిల్లాలోని మహబూబాబాద్ మండలం బాబునాయక్ తండాలో ఉద్రిక్తత చోటు చేసుకొంది.బుధవారం నాడు గ్రామస్తులు పోలీసులపై రాళ్లతో దాడికి దిగారు. ఈ దాడితో గ్రామంలో టెన్షన్ వాతావరణం నెలకొంది.
మహబూబాబాద్ పరిధిలోని బాబునాయక్ తండా 504 సర్వే నెంబర్‌లోని అసైన్డ్ భూమిలో నిర్మాణాలు చేపట్టారు. అయితే ఈ నిర్మాణాలను రెండు రోజులుగా రెవిన్యూ అధికారులు కూల్చివేస్తున్నారు.
బుధవారం నాడు ఉదయం కూడ నిర్మాణాల కూల్చివేతలు చేసేందుకు అధికారులు, పోలీసులతో కలిసి బాబునాయక్ తండాకు చేరుకొన్నారు. స్థానికులు పోలీసుల వాహనంపై రాళ్లతో దాడికి దిగారు. ఈ క్రమంలో పోలీసులు స్వల్పంగా లాఠీచార్జీకి దిగారు.
స్వల్ప లాఠీచార్జీ చేయడంతో ఓ వృద్దురాలు స్పృహ తప్పిపడింది. దీంతో స్థానికులు మరింత రెచ్చిపోయారు. పోలీసుల వాహనాలపై రాళ్లు రువ్వారు. దీంతో పలువురు పోలీసులకు గాయాలయ్యాయి.
స్పృహ తప్పిన వృద్దురాలిని పోలీసులే తమ వాహనంలో ఆసుపత్రికి తరలించారు. ఆ తర్వాత స్థానికులకు పోలీసులు నచ్చజెప్పే ప్రయత్నం చేశారు. అసైన్డ్ భూముల్లోని నిర్మాణాలను కూల్చివేయక తప్పదని తేల్చి చెప్పారు.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
