Asianet News TeluguAsianet News Telugu

బెజవాడలో దారుణం: నర్సుపై కారు డ్రైవర్ అత్యాచారం

విజయవాడలో ఓ కార్పోరేట్ ఆస్పత్రి స్టాఫ్ నర్సుపై కారు డ్రైవర్ అత్యాచారం చేశాడు. అతని బెదిరింపులకు తాళలేక ఆమె ఆత్మహత్యాయత్నం చేసింది. దీంతో సంఘటన వెలుగులోకి వచ్చింది. 

Corporate hospital nurse raped in Vijayawada
Author
Vijayawada, First Published Sep 30, 2019, 8:31 AM IST

విజయవాడ: ఆంధ్రప్రదేశ్ రాష్ట్రంలోని విజయవాడలో దారుణమైన సంఘటన చోటు చేసుకుంది. ఓ యువతిపై అత్యాచారం జరిగిన సంఘటన ఆలస్యంగా వెలుగు చూసింది. ఈ సంఘటనపై విజయవాడ మాచవరం పోలీసు స్టేషన్ లో కేసు నమోదైంది. 

మొవ్వకు చెందిన ఓ యువతి విజయవాడలోని ఓ కార్పోరేట్ ఆస్పత్రిలో స్టాఫ్ నర్సుగా పనిచేస్తోంది. ఆమె తన అన్నయ్యతో కలిసి గుణదలలో నివాసం ఉంటోంది. కారు డ్రైవర్ గా పనిచేస్తున్న వినోద్ అనే వ్యక్తి ఆమెపై గత నెల 4వ తేదీన ఇంట్లోనే అత్యాచారం చేశాడు. 

ఆ విషయాన్ని బయటకు చెప్తే మీ అన్నయ్యను చంపేస్తానని బెదిరించాడు. ఆమె ఫొటోలను సోషల్ మీడియాలో పెడుతానని బ్లాక్ మెయిల్ చేశాడు. ఆ బెదరింపులను తట్టుకోలేక మన్తాపానికి గురైన యువతి ఈ నెల 26వ తేదీన ఆత్మహత్యాయత్నానికి పాల్పడింది. 

స్థానికులు ఆమెను కాపాడారు. బాధితురాలి ఫిర్యాదు మేరకు మాచవరం పోలీసులు కేసు నమోదు చేసుకున్నారు. నిందితుడి కోసం గాలింపు చర్యలు చేపట్టారు. 

Follow Us:
Download App:
  • android
  • ios