కింగ్ ఫిషర్ బీర్ల కోసం కలెక్టరేట్ కు... జగిత్యాల యువకుడి వింత ఫిర్యాదు

జగిత్యాల : కింగ్ ఫిషర్ బీర్లు అమ్మడంలేదంటూ జగిత్యాల జిల్లా కలెక్టర్ కు ఫిర్యాదు చేసాడు ఓ యువకుడు.  ఇవాళ జగిత్యాల కలెక్టరేట్ లో జరిగిన ప్రజావాణి కార్యక్రమానికి హాజరైన బీరం రాజేష్ జగిత్యాల పట్టణంలో కింగ్ ఫిషర్ బీర్లు అమ్మడం లేదంటూ అదనపు కలెక్టర్ బి.ఎస్. లతకు ఫిర్యాదు చేసాడు. వైన్ షాప్ యజమానులంతా సిండికేట్ గా మారి కింగ్ ఫిషర్ బీర్ల అమ్మకాలను నిలిపివేసారని... కల్తీ మద్యం అమ్ముతూ ప్రజల ప్రాణాలతో చెలగాటం ఆడుతున్నారని నరేష్ ఆరోపించాడు. వెంటనే కింగ్ ఫిషర్ బీర్లను జగిత్యాల ప్రజలకు అందుబాటులోకి తీసుకురావాలని జిల్లా అధికారులను కోరారు నరేష్.