మహిళ ప్రాణంతీసిన ఇసుకలారీ... సుల్తానాబాద్ బిజెపి, కాంగ్రెస్ ఆందోళన

పెద్దపల్లి : ఇసుక లారీ ఢీకొని వృద్ద మహిళ మృతిచెందిన విషాద ఘటన పెద్దపల్లి జిల్లాలో చోటుచేసుకుంది. సుల్తానాబాద్ పట్టణానికి బ్యాంక్ పనిపై వెళ్లిన అల్లీపూర్ గ్రామానికి చెందిన బుచ్చమ్మ రోడ్డు ప్రమాదానికి గురయ్యింది. పట్టణంలోని తెలంగాణ చౌరస్తాలో నడుచుకుంటూ వెళుతున్న వృద్దురాలిని ఇసుక లారీ ఢీకొట్టడంతో అక్కడికక్కడే మరణించింది. ప్రమాదంపై సమాచారం అందుకున్న పోలీసులు వెంటనే ఘటనాస్థలికి చేరుకుని మృతదేహాన్ని పోస్టుమార్టం నిమిత్తం తరలించారు. ఇసుక లారీల వల్ల రోడ్లు పాడవడమే కాదు అనేక ప్రమాదాలు జరుగుతున్నాయంటూ సుల్తానాబాద్ బిజెపి, కాంగ్రెస్ నాయకులు ఆందోళనకు దిగారు. ఇసుకలారీలు పట్టణం మీదుగా వెళ్లనివ్వకుండా చర్యలు తీసుకోవాలని డిమాండ్ చేస్తూ నాయకులు రోడ్డుప బైఠాయించి ఆందోళన చేపట్టారు.