జగిత్యాలలో లిక్కర్ దొంగలు... వైన్స్ లో మద్యం ఎలా దొంగిలించారో చూడండి.. (సిసి వీడియో)

జగిత్యాల : చాలామంది దొంగలు మద్యం మత్తులో దొంగతనాలకు పాల్పడుతుంటారు. కానీ మద్యం కోసమే ఇద్దరు కేటుగాళ్లు వైన్ షాప్ ను దోచేసిన ఘటన జగిత్యాల జిల్లాలో చోటుచేసుకుంది. వెల్గటూరులోని మహాలక్ష్మి వైన్ షాప్ లో గత అర్దరాత్రి దొంగలు పడ్డారు. సెక్యూరిటీ గార్డ్ పై దాడిచేసి వైన్స్ షటర్ ఓపెన్ చేసిన దుండగులు గ్రిల్స్ లోంచి లోపలికి దూరారు. కౌంటర్ లో వున్న కొంత నగదుతో పాటు మద్యం సీసాలను దొంగిలించారు. ఈ దొంగతనానికి సంబంధించిన ద‌శ్యాలు సిసి కెమెరాల్లో రికార్డయ్యాయి. 

దొంగల చేతిలో గాయపడ్డ సెక్యూరిటీ గార్డ్ ను జగిత్యాల ప్రభుత్వానికి తరలించి చికిత్స అందిస్తున్నారు. దొంగతనంపై సమాచారం అందుకున్న పోలీసులు వెంటనే ఘటనాస్థలికి చేరుకుని సిసి కెమెరాలను పరిశీలించారు. వైన్స్ నిర్వహకుల ఫిర్యాదు మేరకు కేసు నమోదు చేసి దర్యాప్తు చేపట్టారు.