సిరిసిల్లలో దారుణం... గొడ్డళ్లు, కర్రలతో దాయాదుల దాడులు

రాజన్న సిరిసిల్ల జిల్లా తంగళ్ళపల్లి మండలంలో భూవివాదం నేపథ్యంలో రెండు కుటుంబాలు గొడ్డళ్ళు, కర్రలతో ఒకరిపై ఒకరు దాడులకు తెగబడ్డారు. అంకుసాపూర్ గ్రామానికి చెందిన జడల కైలాసం, జడల లచ్చయ్య కుటుంబాల మధ్య భూతగాదాలు వున్నాయి. ఈ క్రమంలోనే ఇద్దరు రైతులతో పాటు వారి పిల్లలు, మరికొందరు ఒకరిపై ఒకరు కర్రలు, గొడ్డళ్లతో విచక్షణారహితంగా దాడులు చేసుకున్నారు. ఈ దాడిలో ముగ్గురు తీవ్రంగా గాయపడగా ఒకరి పరిస్థితి విషమంగా వున్నట్లు సమాచారం. వీరిని కరీంనగర్ ప్రభుత్వాస్పత్రికి తరలించి చికిత్స అందిస్తున్నారు.