అమ్మాయిలతో ఫుట్ బాల్ ఆడిన రేవంత్ రెడ్డి: గోల్ కొట్టే దాకా...

నిజామాబాద్ : హాథ్ సె హాథ్ జోడో పేరిట రాష్ట్రవ్యాప్తంగా పాదయాత్ర చేస్తున్న తెలంగాణ కాంగ్రెస్ అధ్యక్షుడు రేవంత్ రెడ్డి తాజాగా అమ్మాయిలతో ఫుట్ బాల్ ఆడారు. నిజామాబాద్ పట్టణంలోని కలెక్టరేట్ మైదానంలో యువజన కాంగ్రెస్ రాష్ఱ్ర ఉపాధ్యక్షుడు రామర్తి గోపి ఆధ్వర్యంలో ఫుట్ బాల్ టోర్నమెంట్ నిర్వహిస్తున్నారు. ఈ క్రీడా ఈవెంట్ ను ప్రారంభించిన రేవంత్ రెడ్డి కాస్సేపు క్రీడాకారులతో కలిసి ఫుట్ బాల్ ఆడారు. యువతీ యువకులతో పోటీ పడుతూ ప్రొఫెషనల్ మాదిరిగా ఫుట్ బాల్ ఆడుతూ చివరకు గోల్ కొట్టారు. రేవంత్ ఫుట్ బాల్ ఆడుతున్నంతసేపు కాంగ్రెస్ శ్రేణుల కేరింతలతో మైదానంలో కోలాహలం నెలకొంది.