ఆకాశ మార్గంనుండే కొండగట్టు పరిసరాలను పరిశీలించిన కేసీఆర్...

జగిత్యాల : యాదగిరిగుట్ట లక్ష్మీనరసింహస్వామి ఆలయం మాదిరిగానే తెలంగాణలోని మరో పుణ్యక్షేత్రం కొండగట్టు ఆంజనేయస్వామి దేవాలయ అభివృద్దికి కేసీఆర్ సర్కార్ పూనుకుంది. ఇందులో భాగంగా ఇవాళ ముఖ్యమంత్రి కేసీఆర్ కొండగట్టు పర్యటన చేపట్టారు. హైదరాబాద్ నుండి ప్రత్యేక హెలికాప్టర్ లో బయలుదేరిన కేసీఆర్ కొండగట్టుకు చేరుకున్నారు. ఏరియల్ వ్యూ ద్వారా కొండగట్టు ఆలయం, పరిసరాలను ముఖ్యమంత్రి పరిశీలించారు. అనంతరం హెలిప్యాడ్ నుండి నేరుగా ఆంజనేయస్వామి ఆలయానికి చేరుకున్న సీఎం కేసీఆర్ స్వామివారికి ప్రత్యేక పూజలు నిర్వహిస్తున్నారు. మరికొద్దిసేపట్లో కొండగట్టు ఆలయ అభివృద్దిపై జరిగే కీలక సమావేశంలో కేసీఆర్ పాల్గొననున్నారు.