ఆకాశమే హద్దుగా కేసీఆర్ పై అభిమానం ... గాల్లో చక్కర్లుకొడుతూ బర్త్ డే విషెస్

హైదరాబాద్ : తెలంగాణ ముఖ్యమంత్రి కేసీఆర్ పుట్టిరోజు వేడుకలు నేడు ఘనంగా జరుగుతున్నాయి. కేక్ కట్ చేసి కొందరు, సామాజిక సేవా కార్యక్రమాలు చేసి మరికొందరు కేసీఆర్ పై అభిమానాన్ని చాటుకుంటున్నారు. అయితే కొద్దిమంది మాత్రం అందరిలా సాధాసీదాగా కాకుండా వినూత్నంగా కేసీఆర్ కు బర్త్ డే విషెస్ తెలిపి తమ అభిమానికి ఆకాశమే హద్దని నిరూపించారు. ఆకాశవిధిలో విహరిస్తూ కేసీఆర్ కు పుట్టినరోజు శుభాకాంక్షలు తెలిపారు. 

 భూమి నుండి 14వేల అడుగుల ఎత్తులో వెళుతున్న విమానంలోంచి దూకి కేసీఆర్ ఫోటోతో కూడిన గులాబీ జెండా పట్టుకుని వినూత్నంగా పుట్టినరోజు శుభాకాంక్షలు తెలిపాడు సంతోష్ రావు అనే యువకుడు. ఈ వీడియోను మంత్రి కేటీఆర్ కు ట్యాగ్ చేస్తూ ట్విట్టర్ లో పెట్టగా ఐటీ మంత్రి ప్రత్యేకంగా అభినందించారు. ఇక సిద్దిపేట జిల్లా రంగనాయక సాగర్ పై పారా గ్లైడింగ్ చేస్తూ కేసీఆర్ కు భర్త్ డే విషెస్ తెలిపాడు బిఆర్ఎస్ నాయకుడు అరవింద్ అలిశెట్టి. హ్యాపీ భర్త్ డే కేసీఆర్, అబ్ కి బార్ కిసాన్ సర్కార్ అనే నినాదాలను రాసిన పారా గ్లయడర్లతో ఆకాశంలో చక్కర్లు  కొట్టాడు అరవింద్.