బుల్లెట్టు బండెక్కి డుగ్గుడుగ్గంటూ... టీఆర్ఎస్ శ్రేణుల్లో జోష్ నింపిన మంత్రి శ్రీనివాస్ గౌడ్

నల్గొండ : మునుగోడు ఉపఎన్నికలో అధికార టీఆర్ఎస్ పార్టీ అభ్యర్థి కూసుకుంట్ల ప్రభాకర్ రెడ్డి గురువారం నామినేషన్ దాఖలు చేసారు. టీఆర్ఎస్ నాయకులు, కార్యకర్తలతో భారీ ర్యాలీగా చండూరు తహసీల్దార్ కార్యాలయానికి వెళ్లి నామినేషన్ దాఖలు చేసారు. ఈ సందర్భంగా చౌటుప్పల్ పరిధిలోని 2, 3వ వార్డుల నుండి భారీగా యువకులు, కార్యకర్తలు చండూర్ వరకు బైక్ ర్యాలీ నిర్వహించి ఈ నామినేషన్ కార్యక్రమంలో పాల్గొన్నారు. ఈ బైక్ ర్యాలీని మంత్రి శ్రీనివాస్ గౌడ్ ప్రారంభించారు.