ఇబ్రహీంపట్నంలో లారీ బీభత్సం ... తృటిలో తప్పిన పెను ప్రమాదం

ఎన్టీఆర్ జిల్లా ఇబ్రహీంపట్నంలో పెను ప్రమాదం తప్పింది. ఓ లారీ డ్రైవర్ నిర్లక్ష్యం అతడి ప్రాణాలను బలితీసుకునేది. కానీ స్థానికులు అప్రమత్తమై సదరు డ్రైవర్ ను కాపాడారు. కానీ విజయవాడ - హైదరాబాద్ హైవేపై కాస్సేపు ట్రాఫిక్ కు నిలిచిపోయి వాహనదారులకు ఇబ్బంది కలిగించింది. 

అన్ లోడ్ చేసాక టిప్పను కిందకు దించకుండానే లారీని రోడ్డుపైకి తీసుకురావడంతో విద్యుత్ తీగలకు తగిలింది. ఈ వైర్లను తొలగించే క్రమంలో లారీ డ్రైవర్ కరెంట్ షాక్ కు గురయ్యాడు.వెంటనే చుట్టుపక్కల వున్నవారు స్పందించి కర్రతో కొట్టి ప్రాణాలు కాపాడారు. లారీ బీభత్సం కారణంగా హైవేపై ట్రాఫిక్ జామ్ కావడంతో పోలీసులు అక్కడికి చేరుకుని క్లియర్ చేసారు.