KCR Birthday : బల్కంపేట ఎల్లమ్మతల్లి సన్నిధిలో కవిత రాజశ్యామల పూజ

హైదరాబాద్ : తన తండ్రి కేసీఆర్ పుట్టినరోజున బిఆర్ఎస్ ఎమ్మెల్సీ కల్వకుంట్ల కవిత బల్కంపేట ఎల్లమ్మతల్లిని దర్శించుకుని ప్రత్యేక పూజలు చేసారు. ఆలయానికి చేరుకున్న కవితకు అర్చకులు పూర్ణకుంభంతో స్వాగతం పలికారు. ఎల్లమ్మ తల్లికి బంగారు ఆభరణాలు సమర్పించిన కవిత ఆలయ ప్రాంగణంలో రాజశ్యామల పూజ నిర్వహించారు. కేసీఆర్ ఆయురారోగ్యాలు, సుఖసంతోషాలతో వుండాలని... ఇలాంటి పుట్టినరోజుల మరెన్నో జరుపుకోవాలని అమ్మవారిని కోరుకున్నట్లు కవిత తెలిపారు.