కుట్రతోనే కవిత అరెస్ట్.. బీజేపీ, కాంగ్రెస్‌లకు శిక్ష తప్పదు : హరీశ్‌రావు

ఢిల్లీ లిక్కర్ స్కాంలో బీఆర్ఎస్ ఎమ్మెల్సీ కల్వకుంట్ల కవితను ఎన్‌ఫోర్స్‌మెంట్ డైరెక్టరేట్ (ఈడీ) అరెస్ట్ చేయడాన్ని ఖండించారు మాజీ మంత్రి హరీష్ రావు. కవిత్ అరెస్ట్ అక్రమం, అప్రజాస్వామికమని.. ఇది బీజేపీ , కాంగ్రెస్ కుట్ర అని ఆయన ఆరోపించారు. అరెస్ట్‌లు బీఆర్ఎస్‌కు కొత్త కాదని.. 14 ఏళ్లు పోరాడిన పార్టీ అని.. రాజకీయంగా , న్యాయపరంగా పోరాటం చేస్తామని హరీశ్ స్పష్టం చేశారు. సుప్రీంకోర్టు ఆదేశాలకు విరుద్ధంగా ఈడీ కవితను అరెస్ట్ చేసిందని ఆయన ఆగ్రహం వ్యక్తం చేశారు. త్వరలో జరగనున్న లోక్‌సభ ఎన్నికల్లో బీఆర్ఎస్‌ను దెబ్బకొట్టడానికే కవితను అరెస్ట్ చేశారని హరీశ్ రావు ఆరోపించారు.