హైదరాబాద్ లో మరో ఫైర్ యాక్సిడెంట్... మంటలను ఆర్పేందుకు ఆరు ఫైరింజన్లు రంగంలోకి

హైదరాబాద్ : తెలంగాణ రాజధాని హైదరాబాద్ లో అగ్ని ప్రమాదాలు కొనసాగుతున్నాయి. గతంలో సికింద్రాబాద్ బోయిగూడ టింబర్ డిపోలో, ఇటీవల రాంగోపాల్ పేట డెక్కన్ స్టోర్ అగ్నిప్రమాదం ఘటనలు మరిచిపోకముందే తాజాగా జియాగూడలో భారీ అగ్నిప్రమాదం చోటుచేసుకుంది. ఓ కూలర్ల గోడౌన్ లో ప్రమాదవశాత్తు మంటలు చెలరేగి గోడౌన్ మొత్తానికీ వ్యాపించాయి. వెంటనే గోడౌన్ యాజమాన్యం ఫైర్ సిబ్బందికి ఫోన్ చేయగా ఆరు ఫైరింజన్లతో కష్టపడి మంటలను అదుపుచేసారు.