భారత్ జోడో యాత్ర ... తెలంగాణలో రాహుల్ పాదయాత్ర మళ్లీ షురూ..

హైదరాబాద్ : కాంగ్రెస్ పార్టీ కీలక నాయకుడు, ఎంపీ రాహుల్ గాంధీ పాదయాత్ర తెలంగాణలో తిరిగి ప్రారంభమయ్యింది. నాలుగురోజుల క్రితమే రాహుల్ భారత్ జోడో యాత్ర తెలంగాణలో ప్రారంభమైనా... దీపావళి నేపథ్యంలో విరామం తీసుకున్నారు. కుటుంబంతో కలిసి దీపావళి వేడుకలు జరుపుకునేందుకు డిల్లీకి వెళ్లిన రాహుల్ తిరిగి ఇవాళ్టినుండి పాదయాత్ర ప్రారంభించారు. గురువారం ఉదయం నారాయణపేట్ జిల్లా మక్తల్ నుండి తెలంగాణ కాంగ్రెస్ చీఫ్ రేవంత్ రెడ్డి, ఎంపీ ఉత్తమ్ కుమార్ రెడ్డి, సీఎల్పీ నేత భట్టి విక్రమార్కతో పాటు ఇతర నాయకులు, భారీగా కార్యకర్తలు వెంటరాగా రాహుల్ పాదయాత్ర ప్రారంభమయ్యింది.