నడిరోడ్డుపై మహిళ మెడలో చైన్ లాక్కుని... ఈ దొంగ ఎంత దర్జాగా పరారయ్యాడో చూడండి..!

హైదరాబాద్ : తెలంగాణ రాజధాని హైదరాబాద్ లో చైన్ స్నాచర్లు ఏమాత్రం భయం లేకుండా ఎలా బరితెగిస్తున్నారో తెలియజేసే వీడియో ఒకటి బయటకు వచ్చింది. రాచకొండ కమీషనరేట్ పరిధిలోని ఎల్బీ నగర్ కాకతీయ కాలనీలో ఓ సామాన్య మహిళ భుజంపై బస్తా పెట్టుకుని రోడ్డుపక్కన నడుచుకుంటూ వెళుతూ ఓ దొంగ కంటపడింది. ఆమె మెడలో బంగారు గొలుసును దొంగిలించాలని సదరు చైన్ స్నాచర్ నిర్ణయించుకున్నాడు. అయితే దొంగలా నక్కినక్కి వెళ్లడం కాదు ఎలాంటి భయం లేకుండా దర్జాగా చైన్ స్నాచింగ్ కు పాల్పడ్డాడు. రోడ్డుపక్కన బైక్ ఆపి మహిళ దగ్గరకు వెళ్లి మెడలోని రెండు తులాల చైన్ లాక్కుని పరారయ్యాడు. మహిళ తేరుకునే లోపే ఈ చైన్ స్నాచింగ్ జరిగిపోయింది. ఈ దొంగతనం సిసి కెమెరాల్లో రికార్డయ్యింది.